"Elə məğlubiyyətlər var ki, qələbəyə bərabərdir" - Sənan Qurbanov

"Elə məğlubiyyətlər var ki, qələbəyə bərabərdir" -  Sənan Qurbanov
ÖLKƏ FUTBOLU 17 Fevral 2019 / 20:07 2238
-  A +

“Çempionatın startından futbolçuların həm oyuna, həm məşqlərə məsuliyyətlə yanaşması gözə çarpır. Bu amil bizi sevindirir. Futbolçulara da bunları aşılamaq istəyirik ki, meydanda xarakter göstərsinlər və ad uğrunda mübarizə aparsınlar".

Qol.az xəbər verir ki, bu sözləri "Qəbələ"nin baş məşqçisi Sənan Qurbanov Topaz Premyer Liqanın 17-ci turunda "Qarabağ"a uduzduqları (1:2) oyundan sonra mətbuat konfransında deyib.

Məğlubiyyətə baxmayaraq, futbolçularını tərifləyən çalışdırıcı çatışmazlıqlardan da danışıb: "Elə məğlubiyyətlər var ki, qələbəyə bərabərdir. Bugünkü oyundan sonra futbolçuları soyunub-geyinmə otağında təbrik etdik. Dominant futbolu sevən bir komandaya, “Qarabağ”a qarşı öz oyunumuzu göstərməyə çalışdıq. Məğlubiyyət olsa belə, qarşıya ümidlə baxa bilərik. Futbol bizi razı salsa da, hücumların sonluğu çatmadı. Oyunçularımız zərbə vurmaq zamanı komanda yoldaşlarına ötürmə etməyə çalışdılar. Qarşıdakı görüşlərdə qapıya zərbə vurmaq barədə danışacağıq. İkinci hissəyə belə az deyil, daha çox əlavə ediləcəyini gözləyirdik. Futbolçular qaydalar çərçivəsində aqressiv olmalıdır. Epizoda, mövqeyindəki rəqibə yaxın oynamalı, təkbətək mübarizələrdən qalib ayrılmağa çalışmalıdır”.

Daha çox


Son xəbərlər