“Qarabağ”ın yeni transferi Rahil Məmmədov Qol.az-a müsahibə verib. Ağdam klubuna transferinin təfərrüatlarını açıqlayan gənc müdafiəçi maraqlı məqamlara toxunub.
- Əvvəlcə “Qarabağ”a transferindən başlayaq. Keçid necə alındı?
- “Qarabağ”dan təklif gəldiyini mənə “Səbail”dən dedilər. Sonra Qurban Qurbanovla görüşdüm. Ardınca isə rəsmi müqaviləyə imza atdım.
- Maraqlıdır, Qurban Qurbanovla görüşdə nə danışdınız? Sənə ilk sözləri nə oldu?
- Bu, məşqçi ilə oyunçu arasında olan söhbətdir. Ona görə də nə danışdığımızı demək istəmirəm.
- “Qarabağ”dan təklif almaq sənin üçün gözlənilməz olmadı?
- Açığı, bir qədər gözlənilməz oldu. Çiyin əməliyyatından sonra “Neftçi”də 6 aya yaxın oynamadım. Sonra “Səbail”ə keçdim. Cəmi 4 ay əsas heyətdə yer aldım. Düzdür, müəyyən təkliflər gözləyirdim, amma bu dərəcə tez olacağına inanmırdım.
- Ölkənin ən iddialı klublarından birinə keçdin. Bilirsən ki, “Qarabağ”da əsas heyətə düşmək elə də asan olmayacaq. Necə düşünürsən, özünü doğrulda biləcəksən?
- Qabaqcadan bir söz demək çətindir. Onu deyim ki, “Qarabağ”a kimisə əvəzləməyə gəlməmişəm. Öz oyunumla komandaya xeyir verməyə çalışacam. “Qarabağ”ın aparıcı üzvlərindən biri olmaq istəyirəm. Həm məşqlərdə, həm şəxsi həyatımda hər şeyin ən yaxşısını etməyə çalışacam ki, işlər yolunda getsin. Bilirəm ki, “Qarabağ” elə-belə klub deyil, iddiasını da hamı bilir. Əlimdən gələnin ən yaxşısını edəcəm ki, əsas heyətdə yer alım və özümü doğruldum.
- “Səbail”ə keçəndən sonra öz oyununla Qurban Qurbanovun diqqətini cəlb etdin. Bunun nəticəsində “Qarabağ”a transfer oldun. Hətta milli komandaya belə dəvət aldın. Səncə, “Neftçi”də qalsaydın, belə bir şans qazana bilərdinmi?
- Məncə, “Neftçi”də qalsaydım, nəinki “Qarabağ”, heç milliyə də dəvət almazdım. Bəlkə də gələcəkdə ola bilərdi. Amma hər şeyin bu dərəcədə tez baş verəcəyinə inanmazdım. “Səbail”ə keçidim mənim üçün uğurlu addım oldu.
- “Neftçi”dən hansısa incikliyin var?
- Bu, futbol həyatıdır. Bir mövsüm bir məşqçi olur, gələn mövsüm bir başqası. Ola bilər ki, hansısa səni öz komandasında görmək istəməsin. Nədənsə incimək peşəkarlıq olmazdı. Məşqçilərdə günah görmürəm. Yəqin, kimdənsə zəif idim ki, komandadan göndəriblər. Bu məsələdə heç kimdən incikliyim yoxdur. Əvvəlki məşqçinin taktikasına uyğun idim, oynayırdım. Tərlan müəllim məni quracağı komandada görmək istəmədi. Mən orda qalıb, ehtiyatda oturmaq fikrində deyildim. Həmin vaxt ən ideal variant “Səbail” idi. Sağ olsun Samir Əliyev, rəhbərliklə danışdı, məni istədiyini bildirdi. Nəticədə “Səbail”ə keçdim.
- “Neftçi”dən söz düşmüşkən, komandada baş məşqçi dəyişikliyi oldu. Tərlan Əhmədovu istefaya göndərib, əvəzində italiyalı mütəxəssis Roberto Bordini gətirdilər. Buna münasibətini bilmək maraqlı olardı...
- Bu barədə heç bir söz deyə bilmərəm. Çünki mən “Neftçi”dən gedəndən sonra klub rəhbərliyi də dəyişdi. Heç onlarla da tanış deyiləm. Tərlan müəllimlə də çox işləmədik ki, haqqında nəsə deyə bilim. Yeni məşqçini isə ümumiyyətlə tanımıram. Düzdür, hardasa məşqçi işlədiyini bilirəm, amma yaxın tanışlığım yoxdur. Ona görə də bir söz demək çətindir. Arzu edərdim ki, komandaya xeyirli bir məşqçi olsun, “Neftçi” əvvəlki iddiasını qaytarsın.
- Bir az da millidən danışaq. Bakıda Qırğızıstan üzərində 3:0 hesablı qələbədən sonra Astanada eyni hesabla Qazaxıstana məğlubiyyət bir qədər gözlənilməz oldu...
- Düzü, bu məğlubiyyəti izah etmək mənə bir qədər çətindir. Öz səhvlərimizdən uduzduq. Oyuna yüksək səviyyədə hazırlaşmışdıq. Sadəcə, kobud səhvlərə görə məğlub olduq. Amma əsas odur ki, səhvlərimizdən nəticə çıxara bildik və səfərdə Latviyaya qalib gəldik.
Elnur SALAHOV
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu