“Qəbələ”nin vitse-prezidenti Fariz Nəcəfov Klublar Komitəsinin bugünkü iclasından sonra jurnalistlərin suallarını cavablandırıb.
- Çempionatda ikinci dövrə başa çatdı. Komandanın çıxışı sizi qane etdimi?
- Daha da yaxşı ola bilərdi. Xüsusilə ikinci dövrədə yaxşı çıxış etdik. Ümid edirəm ki, qarşıdakı 2 dövrədə də yaxşı nəticəyə imza atıb, çempion olacağıq.
- “Qarabağ” nə qədər güclü olsa belə?
- Futbolda gözlənilməz nəticələr çox olur. “Qəbələ” çempion olsa, bu da gözlənilməz deyil. Çünki bunun üçün çalışırıq. Əsas rəqibimiz “Qarabağ” güclüdür, amma bizim də üstün tərəflərimiz var.
- Transferlə bağlı yenilik varmı?
- Məşqçi ilə söhbətimiz olub, amma kubok oyunundan sonra da görüşəcəyik. Komandada ciddi dəyişiklik gözlənilmir. Futbolçuların müqaviləsi davam edir. Avrokuboklar üçün komanda tam hazır olmalıdır. Premyer Liqanın limit məsələsi uyğun gəlmir. Çünki legioner oyunçularımızı çox saxlaya bilmirik. Güclü yerli futbolçular da çox azdır. Limit dəyişdirilsə, yaxşı olar. Bu, avrokuboklarda yaxşı çıxış etməyimizə kömək edəcək.
- Bir neçə legioner futbolçunuz ehtiyatda qalır. Onlarla bağlı planlarınız varmı?
- Həmin futbolçuları ümidlə transfer etmişdik. Ancaq heyətə düşə bilmirlər, üstəlik də narazıdırlar. Narazılıqlarını haqlı hesab edirəm. Çünki buraya oynamaq üçün gəliblər. Amma limit məsələsinə görə ehtiyatda qalırlar. Baş məşqçini də qınamıram. Onun razı qaldığı heyət var və digərlərini əlavə edə bilmir.
- Bəlkə yerli futbolçulara üstünlük verəsiniz? “Qarabağ”da ehtiyatda qalan belə oyunçular çoxdur.
- Onların klubu ilə müqaviləsi var. Bizdə isə başqa yerli, keyfiyyətli futbolçular yoxdur. Akademiyadan gələn yeni nəsil futbolçularımız var. Onların gələcəkdə əsas fiqurlardan olacağını əminliklə vurğulaya bilərəm. Ancaq bunun üçün vaxt lazımdır. Buna qədər limit dəyişdirilməli, azaldılmalıdır. Avrokuboklarda uğur qazanmaq istəyən komandaları zəiflətmək olmaz.
- Legionerlərin sayı artırılmalıdır?
- Bu, qaçılmazdır.
- AFFA və PFL rəhbərliyi ilə söhbətiniz olub. Qarşı tərəflə söhbətlərinizdə ümid yeri varmı?
- Görünmür.
- Bəs hansısa arqument ortaya qoyurlarmı? Ramin Musayev nə deyir?
- O, limitin dəyişdirilməsinin tərəfdarıdır. Amma Ramin Musayevin həll edəcəyi məsələ deyil. Bu məsələni də gündəmə gətirən yalnız bizim klubdur, başqa klublardan dəstək gəlmir. Hesab edirəm ki, biz səbəbi əsaslandırırıq. Bu limit yeni futbolçu nəslinin yetişməsinə kömək etmədi. Ortaya sübut qoymaq lazımdır. Amma belə futbolçu yoxdur. Gətirdiyimiz legionerlər səviyyəsində yerli oyunçularımız olsa, bu söhbəti açmazdım. Ancaq belələri yoxdur.
- Endi Hallidey və Deyv Bultuis kimi oyunçuları icarəyə vermək istəmirsiniz?
- Deyirəm ki, avrokuboklarda yaxşı oynamaq üçün bizə hələ əlavə olaraq 1-2 belə futbolçu lazımdır. Bu da limit məsələsinə gətirib çıxarır. Məqsədimiz ancaq avrokuboklarda yaxşı çıxış etməkdir və təklifimiz də bunun üçündür. “Qarabağ”da keyfiyyətli yerli futbolçular cəmləşib, onların bizim kimi problemləri yoxdur. Başqa komandaları da düşünmək lazımdır. “Neftçi”, “Zirə” və ya “Kəpəz” olsun, onlar üçün də bu lazımdır.
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
Hidayət Heydərov yarımfinalda - Avropa çempionatı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı