“Xəzər Lənkəran” klubunun türkiyəli müdafiəçisi Devran Ayxanın Qol.Az saytına müsahibəsi
- İki gün öncə “Avro-2012”nin püşkatması keçirildi. Azərbaycan və Türkiyə milliləri eyni qrupda yer aldı. Sən artıq bir neçə müddətdir ölkəmizdə çıxış edirsən. Azərbaycan futboluna bələd bir adamsan. Püşkü necə dəyərləndirirsən?
- Mən Azərbaycanda özümü heç vaxt yabancı kimi hiss etməmişəm. Nəticədə eyni millətik. Azərbaycanla Türkiyə arasındakı oyunları zövqlə izləyəcəyəm. Əlbəttə, Azərbaycan futbolunun zamanla daha irəli gedəcəyinə inanıram. Amma bu qrupda Türkiyənin daha güclü olduğunu düşünürəm. Hərçənd kim qələbə qazansa, istənilən halda şad olacağam.
- Qrupumuzun favoritləri olaraq kimləri görürsən?
- Öz millətim olduğu üçün demirəm, amma Türkiyəni favorit görürəm. Almaniya da çox güclüdür.
- Səncə, Azərbaycan milli komandasının bu qrupda hansı pillələr uğrunda mübarzə aparması realdır?
- Mən keçən il “Xəzər Lənkəran”a transfer oldum. Bu il artıq Azərbaycanda ikinci ilimdir. Bu il çempionat keçən illərlə müqayisədə daha da güclüdür. Təbii ki, bir qədər zamana ehtiyac var. Ölkənizdə gördüyüm tək əksiklik yaxşı stadionların olmamasıdır. Yaxşı stadionlar tikiləcəyi halda futbolunuz daha sürətlə inkişaf edəcək. Bu cür meydanlarda futbol oynamaq çox çətindir. Məhz meydançaların vəziyyətinin pis olması ücbatından milli komandalara yaxşı gənc futbolçular yetişmir.
- Türkiyə və Azərbaycan arasında oynanılacaq matça proqnozun necədir?
- Mən hansısa komandanın Azərbaycanı öz meydanında asanlıqla məğlub edəcəyinə inanmıram. Həmçinin də Türkiyənin.
- Azərbaycan futbolunun indiki vəziyyətini Türkiyə futbolunun 20 il əvvəlki durumu ilə müqayisə edirlər. Səncə, Azərbaycan futbolunun Türkiyə səviyyəsinə çatması üçün nə qədər zaman lazımdır?
- Biraz öncə də qeyd etdiyim kimi, futbolda uğurlar qazana bilməyiniz üçün əsas yaxşı stadionların tikilməsidir. Siz Azərbaycana istədiyiniz qədər səviyyəli legioner gətirə bilərsəniz. Amma əgər stadionlar pis gündədirsə, həmin futbolçu öz oyununu göstərə bilməyəcək. Mən klubların aşağı yaş qruplarının oyunlarını izləyirəm. Çox pis meydanlarda futbol oynayırlar. Həmin meydançalarda yaxşı futboçu yetişdirmək mümkün deyil. Nə zaman ki, stadionlar tikiləcək, o zaman da Azərbaycan futbolu daha da irəliyə gedəcək.
- Çempionluq yolunda özünüzə ən çətin rəqib kimi görürsən?
- “İnter” və “Qarabağ” bu il daha güclüdür. Bu komandalar çempionluq yolunda bizi çətin vəziyyətə sala bilərlər. Təbii ki, “Bakı” və “Neftçi”ni də yaddan çıxarmaq olmaz. Amma fikrimcə, əsas rəqiblərimiz “İnter” və “Qarabağ”dır.
- Azərbaycan klublarında bir çox türk futbolçu çıxış edir. Həmin futbolçulardan hansı ilə tez-tez ünsiyyətdə olursan?
- “Bakı”nın yeni transferi Gürşad Duymuş mənim 4-5 illik komanda yoldaşımdır. Həm “Rizəspor”, həm də “Ankaraspor”da bir yerdə çıxış etmişik. Gürşad həddindən artıq səviyyəli futbolçudur. Onun kimi oyunçuların Azərbaycana gəlməsi futbolunuzun səviyyəsini daha da yüksəldəcək.
PSJ hücumçusunu satdı
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı