“Gəncə”nin növbəti mövsüm I divizionda çıxış etməsi dəqiqləşdi

XƏBƏR 21 May 2009 / 14:17 3246
-  A +

Gəncəli azarkeşlərin arzusu həyata keçmək üzrədir. Söhbət bu şəhərə futbolun qayıtmasından gedir. Fevraldan etibarən bərpa olunan “Gəncə” komandasının növbəti mövsümdən etibarən Azərbaycan çempionatının I divizionunda çıxış etməsi demək olar ki rəsmiləşib. Qol.Az-ın məlumatına görə, artıq “Gəncə”nn yeni prezidenti Elmir Əliyev AFFA rəhbərliyinə məktub ünvanlayıb. Məktubda qeyd olunub ki, fevraldan etibarən artıq məşqlər bərpa olunub və komanda tam formalaşıb. Buna görə də “Gəncə” növbəti mövsümdən etibarən I divizionda çıxış etmək istəyir. Komanda rəhbərliyi bu məqsədlə AFFA rəhbərliyindən növbəti mövsümdə çempionatda çıxış etmək üçün kömək istəyir. AFFA rəhbərliyinin “Gəncə”nin təklifini müxbət qarşılayacağı şübhə doğurmur. Çünki AFFA prezidenti Rövnəq Abdullayev prezident seçildiyi ilk gündən elan etmişdi ki, zəngin tarixə malik Gəncə futbolunu həyata qaytarmaq əsas məqsədlərindən biridir.
Hazırda komandanın düşərgəsində məşqlər davam edir. Komandanın əsasını yerli, gənc futbolçular təşkil edir. “Gəncə”ni növbəti mövsümə baş məşqçi Fuad İsmayılov hazırlayır. İkinci məşqçi isə “Kəpəz”in keçmiş üzvü, bu komandanın heyətində bir çox uğurlara imza atmış Xaliq Mərdanovdur.

 

Daha çox


Son xəbərlər
22.10.18  16:34

Kozakın yerinə Qapal