Türkiyə yenə uduzdu, Rusiya qələbə qazandı

Bu gün AÇ-2012-nin seçmə mərhələsi çərçivəsində növbəti görüşlər keçirilib. Qol.Az-ın məlumatına görə, bu axşam Avropanın yaşıl meydanlarında bir-birindən maraqlı görüşlər olub.

Bu axşam qrupumuzda millimizin oyunu ilə yanaşı daha 2 görüş baş tutub. Futbol azarkeşlərinin əsas diqqəti isə İstanbula yönəlib. AÇ-2012-nin final mərhələsinə getmək uğrunda mübarizə aparan Türkiyə millisi öz meydanında qrupun lideri Almaniya yığmasını qəbul edib. Bu oyunda “ay-ulduzlular”ı 1 xal da qane edə bilərdi. Ancaq Türkiyə ilk görüşdə olduğu kimi bu dəfə almanlarla bacarmayıb - 1:3.

Qrupun digər qarşılaşmasında isə seçmə mərhələnin son oyununda Bakıda millimizlə bərabərə qalan Belçika yığması doğma azarkeşlər önündə Qazaxıstanla qarşılaşıb. Belçikanın “play-off”a qalması üçün meydan sahibləri Qazaxıstanı mütləq məğlub etməli idilər. Belçikalılar bunu artıqlaması ilə ediblər - 4:1.

Maraq doğuran görüşlərdən ikisi B qrupunda baş tutub. Burada Rusiya millisi səfərdə Slovakiya, Makedoniya isə Ermənistanla qarşılaşıb. Ermənistan Makedoniyanı məğlub etməklə "play-off"a çıxmaq şansını davam etdirir. Qrupun digər görüşündə isə İrlandiya millisi səfərdə autsayder Andorranı 2:0 hesabı ilə məğlub edib.

C qrupunda isə çılğın azarkeşləri ilə diqqət çəkən və ötən oyunları yarımçıq dayandırılan Serbiya və İtaliya  komandaları üz-üzə gəlib. Bu oyunda qalib müəyyənləşməyib - 1:1. Qrupun digər matçında isə Şimali İrlandiya Estoniya ilə qarşılaşacaq. Görüş qonaqların 2:1-lik qələbəsi ilə başa çatıb.

Birincilik uğrunda amansız mübarizə aparan iki komanda – Yunanıstan və Xorvatiya yığmaları isə bu dəfə Afinada görüşüblər. Yunanlar rəqibini 2:0 hesabı ilə məğlub etməklə qrup liderliyini ələ keçiriblər. Artıq qrupdan çıxamağı təmin edən İngiltərə millisi isə səfərdə Çernoqoriyanın qonağı olub. Bu oyunda ingilislər 2:0 hesabı ilə önə çıxmalarına baxmayaraq, bu hesabı sonadək qoruya bilməyiblər - 2:2.


A qrupu

21.00. Azərbaycan - Avstriya - 1:4

23:30. Türkiyə - Almaniya - 1:3
Qollar: Qomez, 34 (0:1), Müller, 66 (0:2), Hakan Balta, 79 (1:2), Şvaynştayger, 86-pen (1:3)

23:45. Belçika - Qazaxıstan - 4:1
Qollar: Simons, 40-pen (1:0), Hazard, 43 (2:0), Kompani, 49 (3:0), Oqunyimi, 84 (4:0), Nudauletov, 86-pen (4:1)

B qrupu

20:00. Ermənistan – Makedoniya - 4:1
Qollar: Pizzeli, 28 (1:0), Mkitaryan, 34 (2:0), Qazaryan, 69 (3:0), Şikov, 86 (3:1), Sarkizov, 90 (4:1)

23:15. Slovakiya – Rusiya - 0:1
Qol: Zaqoyev, 71 (0:1)

00:30. Andorra – İrlandiya - 0:2
Qollar: Doyl, 8 (0:1), Makgidi, 20 (0:2)

C qrupu

23:45. Serbiya – İtaliya - 1:1
Qollar: Markizyo, 1 (0:1), İvanoviç, 26 (1:1)

23:45. Şimali İrlandiya – Estoniya - 1:2
Qollar: Deyvis, 22 (1:0), Vasilyev, 77-pen (1:1), 84 (1:2)

23:00. Bosniya və Herseqovina – Lüksemburq - 5:0
Qollar: Dzeko, 12 (1:0), Misimoviç, 15 (2:0), 22 (3:0), Pyaniç, 36 (4:0), Medunyanin, 51 (5:0)

23:30. Rumıniya – Belarus - 2:2
Qollar: Mutu, 19 (1:0), 51-pen (2:1), Kornilenko, 45 (1:1), Draqun, 84 (2:2) 

00:00. Fransa – Albaniya - 3:0
Qollar: Maluda, 11 (1:0), Remi, 38 (2:0), Revelyere, 67 (3:0)

E qrupu

21:15. Finlandiya – İsveç - 1:2
Qollar: Larson, 8 (0:1), Olson, 52 (0:2), Toyvio, 73 (1:2)

23:30. Hollandiya – Moldova - 1:0
Qol: Huntelar, 40 (1:0)

22:00. Latviya – Malta - 2:0
Qollar: Visnakovs, 33 (1:0), Rusnevs, 83 (2:0)

23:45. Yunanıstan – Xorvatiya - 2:0
Qollar: Samaras, 77 (1:0), Gekas, 79 (2:0)

G qrupu

23:45. Uels – İsveçrə - 2:0
Qollar: Ramsey, 60-pen (1:0), Beyl, 72 (2:0)


00:00. Çernoqoriya – İngiltərə - 2:2
Qollar: Yanq, 11 (0:1), Bent, 31 (0:2), Zverotiç, 45 (1:2), Delibaşiç, 90 (2:2)

H qrupu

23:30. Kipr - Danimarka - 1:4
Qollar: Yakobsen, 7 (0:1), Romedal, 11 (0:2), 22 (0:4), Dehli, 20 (0:3), Avraam, 45 (1:4)  

01:00. Portuqaliya – İslandiya - 5:3
Qollar: Nani, 13 (1:0), 21 (2:0), Poştiqa, 45 (3:0), Conasson, 48 (3:1), 68 (3:2), Moutinyo, 81 (4:2), Eliseu, 87 (5:2), Cilfi Siqurdson, 90-pen (5:3)
 

23:45. Çexiya – İspaniya - 0:2
Qollar: Mata, 6 (0:1), Alonso, 23 (0:2)

8 oktyabr

22:30. Lixtenşteyn - Şotlandiya