Matçın sonuna 1 dəqiqə qalmış oyun təxirə salındı

Matçın sonuna 1 dəqiqə qalmış oyun təxirə salındı
XƏBƏR 2 Aprel 2011 / 17:54 2038
-  A +

Dünən Almaniya Bundesliqasının növbəti turu çərçivəsində keçirilən "Sant-Pauli" - "Şalke 04" oyunu 89-cu dəqiqədə baş hakim tərəfindən yarımçıq dayandırılıb. Qol.Az-ın məlumatına görə, buna səbəb matçın son dəqiqələrində tribunadan atılan bir pivə şüşəsinin yan xətt hakiminə tuş gəlməsi olub.

"Şalke 04"ün 2:0 hesabı ilə irəli olduğu matçın 88-ci dəqiqəsində tribundadan atılan pivə şüşəsi yan xətt hakiminin ənsəsinə tuş gəlib və referi yerə yıxılıb. Matçın türk əsilli baş hakimi Dəniz Aytəkin isə dərhal həmkarının yanına gedir və onunla söhbətdən sonra matçın 89-cu dəqiqəsində oyunun yarımçıq saxlanması haqda qərar verir.

Baş hakimin oyunu təxirə salmasına isə yan xətt hakiminin matçı davam etdirə bilməməsi səbəb olub. Başının gicələndiyini bildirən yan xətt hakiminə ilkin tibbi yardım soyunma otağında göstərilib. Daha sonra isə hakimi Hamburq xəstəxanasına aparıblar.

Qeyd edək ki, hakimə pivə şüşəsi atan şəxsin artıq yaxalanaraq istintaqa cəlb olunduğu bildirilir.

 

Daha çox


Son xəbərlər
19.11.18  12:37

"İmarət" 9 yaşında

18.11.18  21:19

Kavani "Real"da?

18.11.18  19:19

Millimiz Kosovoya getdi