"Tottenhem"in kapitanı cəzalı vəziyyətə düşdü

"Tottenhem"in kapitanı cəzalı vəziyyətə düşdü
DÜNYA FUTBOLU 24 Dekabr 2025 / 22:19 221
-  A +

"Tottenhem"in kapitanı cəzalandırıla bilər.

QOL.az xəbər verir ki, İngiltərə Futbol Assosiasiyası London təmsilçisinin müdafiəçisi Kristian Romeronu Premyer Liqanın son turunda "Liverpul"a qarşı keçirilən oyunda qeyri-etik davranışda ittiham edib.

"Tottenhem" Xavi Simons və Kristian Romeronun qırmızı vərəqə alaraq meydandan qovulmasından sonra görüşü doqquz nəfərlə başa vurub. Məlumata görə, Kristian Romero əlavə vaxtda ikinci sarı vərəqəni aldıqdan sonra baş hakim Con Bruksla mübahisəyə girib və meydanı vaxtında tərk etməkdən imtina edib.

Argentinalı müdafiəçinin bu davranışı qurum tərəfindən qayda pozuntusu kimi qiymətləndirilib. Məlumata görə, futbolçuya izahat təqdim etməsi üçün 2026-cı il yanvarın 2-dək vaxt verilib.

Qeyd edək ki, ötən şənbə London təmsilçisi doğma meydanda “Liverpul”a 1:2 hesabı ilə məğlub olub. 


Son xəbərlər