17:56
“Qarabağ” Azərbaycanda ən güclü komandadır” - Alvaro Ampuero
“Zirə”nin perulu futbolçusu Alvaro Ampuero ölkəsinin mətbuatına müsahibə verib.
Qol.az xəbər verir ki, o, koronavirus pandemiyasına görə Azərbaycanda yaranan durumdan danışıb.
- Azərbaycanın koronavirusun ocaqlarından olan İranla sərhəddə yerləşməsi ölkədə bu xəstəliyin yayılmasında çoxmu rol oynadı?
- Yəqin ki. İlk koronavirus İrandan gələndən aşkarlanmışdı. Biz çox yaxınıq. Ona görə tezliklə təcili tədbirlər görüldü. Aeroportlar, sərhədlər bağlandı. Amma bəzi günlərdə xaricdən gələnlər vardı deyə, virus yayıldı.
- Hökumət hansı məhdudiyyətləri tətbiq edib?
- Mən çox xəbəri öz klubumdan alıram. Deyirlər ki, çox vacib iş olmadan evdən çıxmayaq. Çünki bu halda bizi küçədə cərimə edə və evə qaytara bilərlər. Mən marketə gedirəm. Digər yerlər isə bağlıdır.
- Komandanızda durum necədir?
- Son məşqimiz 20 gün əvvəl olub. Bu, beşinci gün idi. Bazar günü isə oyunumuz olmalı idi. Bizə dedilər ki, matç təxirə salınacaq, çünki virus genişlənib. O vaxtdan hər şey dayanıb. Bizə evdə məşq etmək planı verilib. Biz də evdə hazırlaşmaqla mümkün olduğu qədər formamızı saxlamağa çalışırıq.
- Bakıda Avropa çempionatının 4 oyunu təxirə salındı. Ölkədə futbola münasibət necədir?
- Burada bu idman növü çox sevilir. Burada olduğum qısa müddətdə bir çox vacib oyun gördüm. “Qarabağ” Azərbaycanda ən güclü komandadır. Hətta fanat olmayan insanlar belə stadiona gedib oyuna baxmağı xoşlayırlar. Mən bilirəm ki, Avropa çempionatından gözləntilər çox idi. İndi hər şey qeyri-müəyyəndir.
- Yerli liqa təxirə salınıb. Sizcə, oyunlar bərpa olunacaq?
- İndi bu haqda nəsə demək çətindir. Əgər artıq hər hansı qərar qəbul olunubsa belə, bizə bu haqda birbaşa heç nə deyilməyib. Burda liqanın başa çatmasına çox yox, 8 tur qalıb. Həmçinin komandamızın kubok oyunları da var.
- Yəqin ki, sizin üçün oyunların bərpası vacibdir. Axı komanda Avropaya düşmək üçün oynayır.
- Bəli. Avrokuboka getməyə imkan verən yerlərdən biri tuta bilərik. Həmçinin komandamız kubokun yarımfinalındadır. Düzü, oyunları başa vurmaq yaxşı olardı. Amma indi səhhətimizi daha çox düşünürük. Futbol ikinci plana keçib.
- Özünüzün futbolçu kimi vəziyyətiniz necədir?
- Çox yaxşı. Bura ötən ilin avqustunda gəlmişəm. Azərbaycan və futbolu barədə heç nə bilmirdim. Amma burada yaxşı mənada təəccübləndim. Bakı mənim xoşuma gəlir. Sakit şəhətdir və yaşamaq rahatdır. Liqa da yaxşıdır. Şükür ki, çox oynaya bildiyim komandanı tapdım.
Gökhan Gönül saxlanıldı
İstanbul derbisində heç-heçə - 90+5-də bərabərlik qolu
Rusiyada 6 medal
İmamverdiyev 1, Cəfərov 3 qol vurdu - Video
La Liqada ayın ən yaxşı baş məşqçisi açıqlandı
İstanbul derbisinin heyətləri açıqlandı
Millimizin baş məşqçisi Banqladeşlə oyundan danışdı
“Milan” Fransa klubunun gənc hücumçusuna göz dikdi
“Real” Xabi Alonso ilə yollarını ayıracaq?
Millimiz seçmə mərhələnin son oyununda məğlub oldu
“Kayrat”ın sabiq baş məşqçisi 46 yaşında vəfat etdi
“Ən qısa zamanda fərqli “Karvan-Yevlax” görəcəksiniz”
1-ci liqada son 10 mövsümün bombardirləri bilindi
Messinin heykəli yenə dağıdıldı - Şəkil
Moussa Fransa klubuna keçə bilər
AFFA nümayəndələri beynəlxalq konfransda iştirak etdi
Ronaldo robot qapıçıya qarşı mübarizə apardı - Video
“Napoli” ingiltərəli hücumçunu hədəfə aldı
“Yuventus”un hücumçusu mövsümü erkən başa vurdu
