Əfran İsmayılov: həm Avropanın, həm də Azərbaycanın bombardiri

Əfran İsmayılov: həm Avropanın, həm də Azərbaycanın bombardiri
XƏBƏR 6 Avqust 2010 / 15:40 4041
-  A +

Millimizin və “Qarabağ”ın yarımmüdafiəçisi Əfran İsmayılov komanda yoldaşı Rəşad Sadıqovun rekordunu təkrarlayıb. Qol.Az-ın məlumatına görə, 22 yaşlı orta sahə oyunçusu dünən Avropa Liqasının üçüncü təsnifat mərhələsinin cavab oyunu çərçivəsində keçirilən Polşa “Visla”sı ilə cavab görüşündə (3:2) hesabı açmaqla, avrokuboklarda bombardirimiz olan Rəşada çatıb. Qeyd edək ki, millimizdə də çiyin-çiyinə top qovan bu futbolçuların hər ikisin hesabında 5 qol var. Ancaq Əfranın üstünlüyü bunu bir mövsümdə etməsidir. Yəni o, 5 qolun hamısını Avroliqanın cari mövsümündə vurub. Sadıqov isə buna 2007, 2008-ci illərdə “Neftçi”də, 2009-da “Qarabağ”ın heyətində imza atıb. Yığmamızın kapitanı 5 qoldan 3-nü indiki, 2-ni isə keçmiş komandasında vurub.
“Visla”nın qapısına qol vuran digər iki futbolçumuzdan yarımmüdafiəçi Rəşad Sadıqov “Qarabağ”ın heyətində avrokuboklarda, hücumçu Rauf Əliyev isə ümumiyyətlə, qitə miqyaslı turnirdə qol hesabını açdı. Sadiqov vurduğu qollarını sayını 3-ə çatdırdı ki, bunlardan ilk ikisinə “Neftçi”də sevinib.
Yeri gəlmişkən qeyd edək ki, Əfran Avroliqanın cari mövsümündə ən çox qol vuran futbolçuların siyahısında da liderlik edir. Avroliqada ən çox (5) qol vuran 8 oyunçu var ki, onlardan biri də məhz Əfrandır. Sadəcə “Qarabağ”ın üzvü digər rəqibləriylə müqayisədə meydanda daha çox olduğundan, UEFA-nın rəsmi sıralamasında 6-cı yerdə qərarlaşıb.

Sıra      futbolçu                       klubu                                     qol       dəqiqə

 

1          Qarra Dembele            “Levski” (Bolqarıstan)            5          296

2          Yura Movsisyan          Randers” (Danimarka)          5          363

3          Fabio Silva                  “Rabotniçki” (Makedoniya)    5          366

4          Toseynt Rikkets          “MüPA-47” (Finlandiya)        5          384

5          Vladimir Yurçenko     “Dnepr” (Belarus)                   5          450

6          Əfran İsmayılov          “Qarabağ” (Azərbaycan)         5          522

7          Vlado Zadro               “Zrinski” (Bosniya və Hers)    5          540

8          İlari Äiyyala                “MüPA-47” (Finlandiya)         5          540


 

 

Daha çox


Son xəbərlər
12.11.18  16:55

"Real"da ciddi itkilər

12.11.18  12:34

Riberi jurnalisti vurdu

12.11.18  02:00

PSJ-dən darmadağın

12.11.18  00:24

"Vorskla" yenə uduzdu