18:49
"Sumqayıt"ın prezidenti Riad Rəfiyev Azərbaycan Premyer Liqasının 12-ci turunda evdə "Qarabağ"a 2:1 hesabı ilə qalib gəldikləri matçdan sonra Qol.az-ın da müxbirinin iştirak etdiyi brifinqdə jurnalistlərin suallarını cavablandırıb.
- Qələbəni bütün Sumqayıt sakinlərinə həsr edirik. Sumqayıtın yaranmasının 70 illiyidir. Bu qələbə də bizdən şəhərimizə hədiyyə olsun. Gördüyünüz kimi, çox maraqlı oyun oldu. Birinci hissədə zəif oynadıq, istədiyimizi edə bilmədik. İkinci yarıda isə Ayxan müəllim komandanı toparlaya bildi və daha aqressiv, qələbə istəyən hücuma meyilli "Sumqayıt" gördük. İstəyimizə də nail olduq. İkinci hissəni daha yaxşı keçirdik.
- Bu qələbəyə görə xüsusi mükafat olacaqmı?
- Əlbəttə, mükafat olacaq. Amma məbləği bir az sonra özümüz danışacağıq.
- Məbləğ çox olacaq?
- Bu, klubun sirridir.
Ümumiyyətlə, qələbə haqda düşünürdünüzmü?
- Əlbəttə. Biz hər görüşə qələbə üçün çıxırıq.
- Ötən turda "Sabah" üzərində əzmkar qələbə qazandınız. Bu gün isə "Qarabağ"a qalib gəldiniz. "Sumqayıt" bir neçə turdur ki, yüksəlişdədir. Gələcəkdə bu tempi qoruyub, saxlamaq mümkün olacaq?
- Gəlin, gələcəyə baxmayaq. Əsas odur ki, bu gün komanda yaxşı oynayır. Udmuşuq, sevinirik. Gələcəkdə nə olacaq, Allah bilir.
- Qış fasiləsi yaxınlaşır. Hazırlığı hansı ölkədə keçirəcəksiniz?
- 99 faiz bu ölkə Türkiyə olacaq. Komanda artıq neçə mövsümdür ki, Türkiyəyə gedir. Bu il də çox güman ki, oraya gedəcəyik.
- Bəs, qışda transferlər olacaq?
- Ona hələ baxacağıq. Komanda yaxşı təsir bağışlayır. Əgər transfer etməli olsaq, maksimum 1 oyunçu ala bilərik. Bu günkü kollektiv bizi tam qane edir. Sadəcə olaraq oyunumuzu daha da yaxşılaşdırmaq lazımdır. Ondan sonra nəticələrimiz daha yaxşı ola bilər.
- Milli komandanın son nəticələri təbii ki, hamımızı üzdü. Bu uğursuzluğun səbəblərdən biri də yerli futbolçularımızın xaricdə legioner həyatı yaşamaması ola bilər? Bu istiqamətdə nə çatışmır? Menecerlər zəifdir?
- Bu, tam başqa mövzudur. Bu günkü oyunla heç bir əlaqəsi yoxdur. "Qarabağ" kimi komandanı udmuşuq, sevinirik. Amma indi siz başqa mövzudan sual verirsiniz.
Azərbaycan millisi 4-cü oldu
Reşford zədələndi
"Monako" Hütterlə yolları ayıra bilər
Millimiz gümüş medal qazandı - III MDB Oyunları
Azərbaycan millisi ilə oyunu buraxacaq
"Çelsi"nin kapitanı millinin heyətindən çıxarıldı
1-ci liqada oyunların vaxtı açıqlandı
Avarçəkmə yarışları başa çatdı - III MDB Oyunları
Azərbaycan millisi MDB Oyunlarında finala yüksəldi
“Oyunçularımıza inanıram” - Rəşad Eyyubov
“Napoli”nin yarımmüdafiəçisi İngiltərə klubunun hədəfində
Buffonun oğlu A seriyasında debüt etdi
Kannavaronun Özbəkistan millisinə təyinatı rəsmiləşdi
Rodri İspaniya millisinin heyətindən çıxarıldı
“Sabah”dan Mikelsin durumu ilə bağlı açıqlama
"Turan Tovuz"da yeni müqavilə
“Real”ın gənc oyunçusu “Marsel”ə keçə bilər
Ter Ştegen üçün İngiltərədən üç təklif
Premyer Liqada 700-cü, səfərdə 350-ci
Azərbaycan çempionatında mövsümün rekordu qeydə alındı
“Məşqçilik karyeramda yaşadığım ən pis gündür” - Arda Turan
