“Qarabağ” “Neftçi” fanatlarına biletin qiymətini açıqladı – 51 yox, 1 manat!

“Qarabağ” “Neftçi” fanatlarına biletin qiymətini açıqladı – <b style="color:red">51 yox, 1 manat!</b>
ÖLKƏ FUTBOLU 13 Sentyabr 2019 / 17:09 4965
-  A +

"Qarabağ" klubu bu həftənin bazar günü “Neftçi”yə qarşı keçiriləcək Azərbaycan Premyer Liqasının 4-cü turuna biletin qiymətini müəyyənləşdirib.

Klubun direktoru Əmrah Çelikel Qol.az saytına açıqlamasında əvvəlcə "Neftçi" ilə oyunun biletlərinin 51 manat olacağı ilə bağlı son günlər mətbuatda yayılan xəbərlərə münasibət bildirilib. O, bununla bağlı məlumatların həqiqətə uyğun olmadığını söyləyib: "Bizim bilet söhbəti, azarkeşlərin stadiona gəlişinin qarşısını almaqla gündəmə gəlmək fikrimiz yoxdur. Hamı bilir ki, futbol azarkeşlər üçün oynanılır. Stadiona nə qədər çox azarkeş gəlsə, Azərbaycan futbolu üçün o qədər yaxşı olar".

Klub rəsmisi əvvəlki Premyer Liqanın matçlarında olduğu kimi, “Neftçi” ilə görüşdə də biletin qiymətinin 1 manat olacağını söyləyib.

Xatırladaq ki, ötən mövsümün son turunda "Neftçi" "Qarabağ"la "Bakcell Arena"dakı oyun üçün bilet matç günü gözlənilmədən 50 manata qaldırmışdı.

Əlavə edək ki, Premyer Liqanın 4-cü turunun "Qarabağ" - "Neftçi" görüşü sentyabrın 15-i, saat 20.30-da Tofiq Bəhramov adına Respublika stadionunda başlayacaq.

 

Daha çox


Son xəbərlər
15.10.19  11:02

Ronaldodan 700-cü qol

14.10.19  20:47

PSJ-də Neymar şoku