Ağabala dubl etməsinə belə reaksiya verdi

Ağabala dubl etməsinə belə reaksiya verdi
ÖLKƏ FUTBOLU 25 Avqust 2019 / 13:27 3734
-  A +

“Səbail”in hücumçusu Ağabala Ramazanov Premyer Liqada dünən səfərdə “Sumqayıt”a qalib gəldikləri oyunu (3:0) şərh edib.

Qol.az xəbər verir ki, matçdan sonra o, jurnalistlərə açıqlamasında ardıcıl qazandıqları iki qələbənin onlar üçün vacib olduğunu söyləyib. Matçda dubl etməsi haqda suala Ağabala belə cavab verib: “Qol vurmağım fərdi göstəricidir. Ancaq ümumi komandanı götürəndə kimin qol vurmağı önəmli deyil. Dubla imza atmışam, sevinirəm. Komandamızı qələbə münasibətilə təbrik edirəm".

Ramazanov “Sumqayıt”la matçda bəxtlərinin gətirməsi fikri haqda deyib: "Ola bilər, hardasa bəxtimiz də gətirdi. "Sumqayıt" zəif deyil, bu gün də onu sübuta yetirdi. İlk 20-25 dəqiqədə üstün futbol oynadı. Bu oyun "Sumqayıt"ın gələcəkdə yaxşı olacağı ilə bağlı ümidlərin doğruluğunu göstərdi".

O, baş hakim Vüqar Həsənlinin qərarlarını şərh etmək istəməyib: "Bu, hakimin qərarlarıdır. Heç nə deyə bilmərəm. Qərar verər, ya verməz, bu, onun səlahiyyətində olan məsələdir. Hakimlik haqda danışmaq mənim payıma düşmür".

 Ağabala millidən dəvət gözlədiyini də deyib: "Dəvət gözləyirəm. Çətin qarşılşamalar olacaq. Millidə heç bir matçımız asan olmur".

 

Daha çox


Son xəbərlər