“Neftçi”nin sabiq vitse-prezidenti Tahir Süleymanov komandanın futbolçusu Baqali Dabonun sosial şəbəkədə azarkeşləri təhqir etməsinə münasibət bildirib.
O, Qol.az-a açıqlamasında deyib ki, bu hərəkət tək Dabo, bir futbolçunun fərdi məsələsi deyil, zəncirvari özbaşınalığın davamıdır: "Neftçi" sıradan bir klub deyil, daim futbol ictimaiyyətinin diqqət mərkəzindədir. Bu, "Neftçi"nin böyüklüyünün nəticəsidir. Klubu idarə edənlər bu yükü, ağırlığı daşıya bilmirlər".
T.Süleymanov bildirib ki, baş məşqçi Roberto Bordin oyunu, qələbəni, taktiki gedişləri düşünmək əvəzinə, tribunada fanatları sayır: "Onların "Neftçi"yə aid olmadığını bildirir, kapitan sarğısını qolunda daşımış Kiril Petrov azarkeşlərin hissiyyatı ilə oynayır, klub prezidenti Kamran Quliyev yaxasını kənara çəkərək dövlət orqanlarını fanatlarla üz-üzə qoyur, rəsmilər azarkeşlərin söyüş söydüyünü iddia edir, polis tam fərqli münasibət göstərərək açıqlamaları cavabsız qoymur. Dabo da daha "irəli" gedərək başından böyük hərəkət edir".
Onun sözlərinə görə, "Neftçi" kimi klub hazırda idarəolunmaz hala salınıb: "Fikir verin, baş məşqçidən tutmuş futbolçulara kimi hamısı əcnəbi, legionerlərdir. Sabah Monroz da ötən mövsüm etdiyini təkrarlasa, təəccüblü olmaz. Bunun bir adı var, "Neftçi" kimi klub idarəolunmaz hala salınıb. Səbəbsiz deyil, komandanı düşünmək əvəzinə piar kampaniyaları, şayiələr, araqatmalar davam edir. Yayındırıcı manevr kimi futbolçular önə verilir. Ən mənfisi isə "Neftçi"nin hədəfləri bilərəkdən kiçildilir, bu yöndə təbliğat aparılır, komanda ancaq son biabırçı nəticələrlə müqayisə edilir. Bu azmış kimi, fanat-azarkeşlərin haqq səsinə "əlavələr" edilməyə çalışılır. Bütün bunlar klubun daxilindən edilir. Hər kəs bilməlidir, "Neftçi"də baş verən hər uğursuzluq komandanın uğurlu illəri ilə müqayisə ediləcək. Bu, bütün dünyada belədir. "Neftçi" rəhbərliyinə məsləhətim, əlinizdən-qolunuzdan tutan yoxdu, kifayət qədər maliyyə, şərait imkanları var, "Neftçi" adına obyektiv təhlillərlə yanaşı dəstəyimizi əsirgəməmişik. Buyurun, daha yaxşı nəticələr qazanın, azarkeşləri, bütün Azərbaycanı sevindirin, bizləri də unutdurun. Yoxsa şayiələrinin qarşısını almasaq, utanmasalar, inanın ki, rəhmətlik Böyükağa Hacıyevin də adı hallanar. Deyərlər ki, fanatlar o dünyadan "idarə" olunur. Yumşaq dillə desək, bu qədər də olmaz...
Dabolar detallardır, əsas səbəblər yuxarıda qeyd etdiklərim, işə yanaşma, "Neftçi" böyüklüyünü dərk etməməkdir. Zəif "Spreantsa" mərhələsinə görə mükafatlar paylananda, "Neftçi" hədəfləri kiçildiləndə bilmirdilər ki, məşqçisi də, futbolçusu da özlərini "dahi" sayacaqlar?! Çempionluqlar, kuboklar qazanmış Flavinyosu, Mitreskisi, Vobayı və komandanı arxasınca daşıyan digər futbolçular bu günə kimi "Neftçi"ni unutmurlar, dəyərini bilirlər. Nə ediblər ki, bunlar? 2-ci yeri tutub 2 mərhələ keçiblər. Bir rəhbərlik ki, bunları "uğur" sayır, təbliğ edir, məşqçisi də, futbolçusu da nə istəsələr edərlər.
Klubda o qədər anarxiya hökm sürür, bir-birinə, fanat, azarkeşlərə qarşı addımlar atılır ki, belə halların artıq kütləvi olması təbiidir. "Neftçi"ni lider duruma qaytarmaq üçün klubun özündə lider idarəçilik olmalıdır. Ara qatıb bir futbolçunu cəzalandırmaqla "Neftçi" düzəlməz. Cəzalar klub rəhbərliyi, baş məşqçidən başlamalıdır".
T.Süleymanov deyib ki, "Neftçi" xalqın, fanat-azarkeşlərindir: "Dövlətin pulunu müftə xərcləyənlər oturub yaxşı düşünsünlər. Mənəvi gücləri çatır Dabonu ölkədən yola salmaqla özlərini də cəzalandırsınlar”.
26 oyunda 31 qol - Video
Qrizmann qayıtdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi
PFL 35 oyunun vaxtını açıqladı
4-cü Avropa Oyunları bu şəhərdə keçiriləcək
Pele və Ronaldonu geridə qoydu
Gürcüstan, vicdan və imtahan...
Baş nazir milliinin üzvlərinə orden veriləcəyini açıqladı
"Səbail"in futbolçusu oynadı, milli komandası qalib gəldi
Ronaldo 2,2 milyon dollarlıq "Ferrari"si ilə - Video
"Qarabağ" gürcü futbolçunu təbrik etdi
Kvaratsxeliya ləzginka oynadı - Video
"Mançester Yunayted" avrokuboklardan kənarda qala bilər