23:32
“Bu gün futbolda hər şey mümkündür. Məntiqlə düşünsək, iki komandanın da növbəti mərhələyə adlamaq üçün şansı var. Hər şey meydanda həll olunacaq”.
Qol.az-ın məlumatına görə, bu sözləri “Qafqazinfo”ya açıqlamasında “Qarabağ”ın sabiq albaniyalı futbolçusu Ansi Aqolli deyib.
Təcrübəli müdafiəçi UEFA Çempionlar Liqasının birinci təsnifat mərhələsində “Qarabağ”ın Albaniyanın “Partizani” klubuna rəqib olmasından danışıb. O, Azərbaycan təmsilçisinin təcrübə baxımından üstün olduğunu bildirib: “Amma “Qarabağ” Avropa təcrübəsinə sahibdir. Bu baxımdan Azərbaycan klubunu üstün görmək olar. Sabiq komandam Avropa Liqasının, Çempionlar Liqasının qrup mərhələsində mübarizə aparıb. “Partizani” pis komanda deyil, lakin heyətinin əksəriyyəti gənc oyunçulardır. Onlar son ildə çempion oldular. Məntiqi cəhətdən “Qarabağ” daha şanslıdır”.
Aqolli Tirana klubunun heyətinin son illərdə dəyişdiyindən danışıb: “Son illərdə onların heyəti çox dəyişib. 2016/2017-ci il Avropa Liqasının pley-off-unda oynayan komandadan yalnız bir neçə oyunçu qalıb. Son mövsüm yeni oyunçularla çox yaxşı çıxış etdilər. Xüsusən heyətindəki vingerlər diqqət çəkir”.
Ansi hansı komandanı dəstəkləyəcəyi barədə suala da cavab verib: ““Partizani” mənim ölkəmin komandasıdır. Məni bu kluba bağlayan sadəcə Albaniya və Tirananı təmsil etməsidir. “Qarabağ” isə mənim həyatımdır. Bütün karyeram ora bağlıdır. Qurban Qurbanov mənim atam kimidir. Rəşad Sadıqov isə qardaşımdır. Biz onlarla yaxşı və pis günlər yaşadıq. Birlikdə ağır və xoş günlərimiz oldu. Maksim Medvedev, Qara Qarayev, Riçard Almeyda mənim ailəmdir. Bütün “Qarabağ” mənim sevimli dostlarımdır. Əlbəttə ki, “Qarabağ”ın uğurlarını istəyirəm”.
"Benfika"da ayrılıq
Mitroviç klubunu dəyişdi
Toni Kroos: “İsaka görə ödənilən məbləğ şişirdilib”
Santuş: “Tarix yazmaq istəyirik”
Türkiyə millisi 10 nəfərlə Gürcüstana qalib gəldi
“40 yaşında Modriçin səviyyəsində olmaq inanılmazdır”
"Atletiko" İngiltərə klublarının təkliflərini rədd etdi
Türkiyə millisindən tarixi uğur
"Mançester Siti"nin yetirməsi bu kluba keçdi
"İmişli" doğma bölgəsinə səfər etdi - Şəkillər
“Azərbaycanla oyun ölüm-dirim məsələsinə yaxındır" - İslandiya millisinin baş məşqçisi
Azərbaycan boksçusu dünya çempionatına qələbə ilə başladı
"Napoli"dən 1 mövsümlük ayrıldı
Kyeza “Qarabağ”la oyunda iştirak etməyəcək
Hacinin oğlu Superliqa klubunda
