16:13
Macarıstan millisinin kapitanı Balaş Cudcak Avro-2020-nin seçmə mərhələsində Azərbaycanla Bakıda keçiriləcək oyun haqda danışıb.
Qol.az xəbər verir ki, 32 yaşlı futbolçu ölkəsinin mətbuatına açıqlamasında yığmamızla matçın daha çətin keçəcəyini bildirib:
"Deyəsən, Azərbaycanla oyunda daha çox tərləyəcəyik. Hətta deyə bilərəm ki, Bakıdakı qarşılaşma Xorvatiya ilə matçdan çətin olacaq. Çünki bu cür turnirlərdə səfər oyunlarında 3 xal qazanmaq elə də asan başa gəlmir. Bizi olduqca ağır 90 dəqiqə gözləyir".
Karyerasını Birləşmiş Ərəb Əmirliklərinin "Əl-İttihad" klubunda davam etdirən təcrübəli forvard Avropa çempionatının final mərhələsində oynamaq istəyini gizlətməyib: "Azərbaycanı uda bilməsək, Xorvatiya üzərində qazandığımız qələbənin heç bir önəmi qalmayacaq. Arzum Avropa çempionatında oynamaqdır. Sonuncu dəfə final mərhələsinə vəsiqə qazananda yaranmış atmosferi heç vaxt unuda bilmərəm. Minlərlə insan qələbəmizi küçələrdə qeyd edirdi. Həmin hissləri yenidən yaşamaq istəyirəm".
Qeyd edək ki, iyunun 8-də "Bakcell Arena"da keçiriləcək Azərbaycan - Macarıstan oyunu Bakı vaxtı ilə saat 20:00-da başlayacaq. Millimiz 3 gün sonra isə Slovakiya seçməsini qəbul edəcək.
İngiltərə Premyer Liqasında mövsümün rəmzi komandası
La Liqada mövsümün ən yaxşı məşqçisi adına namizədlər
AFFA U-15 Liqasının qalibi məlum oldu
"Milan"ın yeni idman direktoru açıqlandı
"Everton"da 4 ayrılıq
"Mançester Yunayted"dən 100 milyonluq transfer icazəsi
Xabi Alonso "Real"a təyinatından danışdı
Vladimir Putin Murad Musayevi təbrik etdi
"Arsenal"dan 5 illik müqavilə təklifi
ÇL finalından əvvəl o da səhnə alacaq
