"Azərbaycanla döyüşə hazırıq" – Lars Olsen

"Azərbaycanla döyüşə hazırıq" –<b style="color:red"> Lars Olsen</b>
ÖLKƏ FUTBOLU 10 Oktyabr 2018 / 13:16 1974
-  A +

"Artıq 3 yaxşı məşq keçmişik. Komandamız döyüşə hazırdır. Azərbaycan millisinin bir neçə oyununu izləmişəm. Deyə bilərəm ki, bizə çətinlik yaradacaq. Son oyunda Kosovoya 0:2 uduzduq. Sabah daha yaxşı oyun sərgiləməliyik. Xal qazanacağımıza inanırıq".

Qol.az-ın Farer adalarına ezam olunmuş müxbirinin verdiyi məlumata görə, bu sözləri Farer adaları millisinin baş məşqçisi Lars Olsen Millətlər Liqasının 3-cü turunda sabah yığmamızla keçiriləcək oyun üçün təşkil edilən mətbuat konfransında deyib. O, daha sonra jurnalistlərin suallarını cavablandırıb.

- Rəqibiniz 14 saat yol qət edib. Bu, nə dərəcədə işinizə yaraya bilər?

- Ölkələr arasında məsafə uzundur. Biz də Azərabyacana səfər edəcəyik. Başqa əlac yoxdur. Ancaq Azərbaycan millisinə daha çətin olacağını düşünürəm. Çünki onların futbolçuları həftə sonu oyun keçiriblər.

- Bir xal sizi qane edəcək?

- Həmişə üç xal üçün oynayırıq. Xüsusilə də evdə. Qələbə qazanmağa çalışacağıq. Başqa nəticə haqda düşünmürük.

- Bir dəfə kuryoz şəkildə Avropa çempionu olmusunuz. Bu dəfə komandanızın Millətlər Liqasında hansısa sürprizi edəcəyini gözləyirsiniz?

- İndidən şanslar haqda nəsə deyə bilmərəm. Bəli, 26 il bundan əvvəl çempion olmuşduq. Artıq ondan uzun müddət keçib. Yəqin bizi çox ciddi rəqiblər gözləyir.

- Sabahkı oyunda məğlubiyyəti gözə alırsınız?

- Yox. Bu haqda düşünmürəm. Baş məşqçilər məğlubiyyət haqda düşünməz. Ancaq bayaq qeyd etdiyiniz kimi, 26 il əvvəl Avropa çempionu olduq. Deməli, futbolda hər bir nəticə qeydə alına bilər.

- “Qarabağ”ın Çempionlar Liqasında “Kopenhagen”i mübarizədən kənarlaşdıraraq qrup mərhələsinə yüksəlməyindən xəbəriniz var?

- “Qarabağ”ı çox yaxşı tanıyıram. Onların “Arsenal”la ötən həftə keçirilən oyunlarına baxmışam. Bilirəm ki, Azərbaycan millisinin müdafiə və orta xətti “Qarabağ”lı futbolçulardan təşkil edilib. Bu oyunçular çox yaxşı çıxış edirlər.

 

Daha çox


Son xəbərlər