"Keşlə"yə kifayət qədər problem yarada bilərik" - Vladimir Simoviç

"Keşlə"yə kifayət qədər problem yarada bilərik" -<b style="color:red"> Vladimir Simoviç</b>
ÖLKƏ FUTBOLU 12 İyul 2018 / 12:02 1798
-  A +

“Bilirik ki, bizim üçün avrokubok oyunları heç vaxt asan olmur. Ancaq düşərgəmizdə belə bir əminlik var ki, “Keşlə”yə kifayət qədər problem yarada bilərik”.

Qol.az-ın məlumatına görə, bu sözləri “Keşlə”nin Avropa Liqasının 1-ci təsnifat mərhələsindəki rəqibi “Baltsan”ın texniki direktoru Vladimir Simoviç Malta mətbuatına açıqlamasında deyib. Klub rəsmisi bu günkü oyunda sərfəli nəticə qazanacaqlarına inandığını bildirib:

“Ümid edirəm ki, bu gün qələbə qazanmaq üçün ideal oyun göstərə biləcəyik. Bunu qapımızdan qol buraxmaqdan edə bilsək, nəticə növbəti mərhələyə keçmək üçün bizə əlverişli şərait yaradacaq”.
Simoviçin sözlərinə görə, komandanın baş məşqçisi Marko Miçoviç “Keşlə”nin oyun üslubunu diqqətlə öyrənib: “Həmin məlumatlara əsasən deyə bilərəm ki, komandamız rəqibin hava ötürmələri zamanı son dərəcə ehtiyatlı olmalıdır. “Keşlə” topa sahib olmağı sevməyən komandadır. Onların ən böyük üstünlüyü əks-hücumlara çıxmaq bacarığıdır. Müdafiədən hücuma keçərkən çox təhlükəli olurlar. Buna görə diqqətli oynamalıyıq. Bununla yanaşı, onların əsas özəlliyi hava toplarından yaxşı istifadə etməkdir. Ötən mövsüm 29 topdan 16-nı məhz bu cür vurublar. Bu səbəbdən də hava ötürmələri zamanı konsentrasiyamızın ən yüksək səviyyədə olması vacibdir”.

Qeyd edək ki, “Baltsan” – “Keşlə” oyunu bu gün Bakı vaxtı ilə 20:00-da başlayacaq.

 

Daha çox


Son xəbərlər
14.11.18  23:00

"Real"dan ilk transfer

14.11.18  19:25

"Bavariya"da ciddi itki