"Hələ əvvəldən də qeyd etmişdim ki, bizi ağır oyun gözləyir. Bilirdim ki, “Samtredia” məğlub olmağı istəmir. Biz bu gün də bunun şahidi olduq. Hava çox isti idi. Futbolçular keyfiyyətlərini tam göstərə bilmirdilər. Komandamız düzgün müdafiə olunmağa çalışırdı. Bəzi səhvlər olurdu, amma hesaba təsir etmirdi. Buna baxmayaraq, oyunçuların hər birindən razı qaldım".
Qol.az-ın məlumatına görə, bu sözləri "Qarabağ"ın baş məşqçisi Qurban Qurbanov səfərdə "Samtredia"nı 1:0 hesabı ilə yendikləri Çempionlar Liqasının II təsnifat mərhələsinin cavab görüşündən sonra mətbuat konfransında deyib.
45 yaşlı mütəxəssis rəqibə də təşəkkür edib: "5:0 hesablı məğlubiyyətdən sonra da meydanda bu gün xarakter göstərdilər. Düşünürəm ki, bu futbolçularla "Samtredia” yaxın illərdə Gürcüstanın ən yaxşı komandalarından biri olacaq".
Q.Qurbanov jurnalistlərin digər suallarını da cavablandırıb.
- Mətbuatda Nikaraqua millisinin futbolçusu ilə danışıqlar apardığınız yazılır. Hətta onu 400 min avroya transfer etmək istədiyiniz də deyilir. Bu məsələyə fikrinizi bildirərdiniz.
- Əvvəl də demişdim ki, transferlər etmək istəyirik. Bir neçə oyunçu ilə danışığlarımız gedir. Lakin siz dediyiniz futbolçu haqda məlumatım yoxdur.
- Layiqli qələbə qazandınız. Qeyd etdiniz ki "Samtredia” meydanda xarakter göstərdi. Siz "Samtredia”nın hansısa futbolçusunu "Qarabağ”da görmək istəyirsinizmi?
- Komandanın oyun üslubunu bəyəndim. Bildiyim qədərilə çox da uzun müddət bir yerdə olan kollektiv deyil. Buna baxmayaraq, topla çox yaxşı davranırlar. Ancaq transfer siyahımızda bu komandadan hər hansı bir futbolçu yoxdur.
- "Kukesi”, yoxsa "Şerif” və nəyə görə?
- Əfsuslar olsun ki, bu suala cavab verə bilmərəm. Kim layiqdirsə, növbəti mərhələyə yüksələcək. Biz sadəcə, rəqibimizi gözləyirik...
- Bu gün öyrəşdiyimiz "Qarabağ”ı meydanda görmədik. Bu, komandanın tam hazır olmamasıyla bağlı idi, yoxsa başqa səbəbə görə?
- Bizim zəif oyunlarımız az olmayıb. Futbol elə oyundur ki, zəif də ola bilərik, məğlub da ola bilərik. Qələbələrimizi isə çox böyütmək istəmirəm. Hələlik kiçik addımlarla irəliləyirik. Klub olaraq bizim də problemlərimiz var. Hazırda futbolçularımdan tam gücü ilə oynamasını tələb edə bilmərəm. Onların bir-birinə uyğunlaşması üçün hələ vaxt lazımdır.
PSJ hücumçusunu satdı
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı