"Bakı" klubunun yarımmüdafiəçisi Əfran İsmayılov Qol.Az saytına müsahibəsində Azərbaycan Premyer Liqasının 33-cü turunda "Qarabağ"la keçiriləcək oyundan və komandasının Avroliqaya düşmək şanslarından danışıb, milli komandaya dəvət olunmmasına münasibət bildirib.
- Azərbaycan Premyer Liqasının növbəti turunda lider "Qarabağ"la qarşılaşacaqsınız. Oyunqabağı "Bakı"nın durumu necədir? Rəqibinizi necə qiymətləndirirsən?
- Hazırda hər iki komanda üçün 3 xal çox vacibdir. Buna görə də maraqlı və çox ağır oyun olacaq. İstədiyim odur ki, kim güclüdürsə, o qalib gəlsin. Son turda "Sumqayıt"la heç-heçə oynasaq da, komandamızda yaxşı ab-hava var. Hər şey qaydasındadır. Əsas odur ki, klub prezidenti bizə inanır. Əlimizdən gələni edəcəyik ki, həm "Qarabağ"la, həm də növbəti oyunlarda yaxşı nəticə qazanaq ki, Avroliqaya vəsiqə qazanaq. Bunu bacarmasaq belə, özümüzə dərd etməyəcəyik.
- "Bakı"nın son turlarda uğursuzluğa düçar olmasını necə izah etmək olar?
- Bunun əsas səbəblərindən biri odur ki, komandamızın futbolçularının yarısından çoxu zədəlidir. Ancaq bu da bəhanə olmamalıdır. Meydana çıxan futbolçu ən yaxşı oyununu ortaya qoysa, komanda çətinliklə üzləşməz. Hələ heç nə itirilməyib. Əvvəlki oyunları unutmaq lazımdır. Avroliqaya düşmək istəyiriksə, qarşıdan gələn 4 ağır oyunumuzu fikirləşməliyik. İnanıram ki, bu görüşlərdə yüksək nəticələr qazanaraq istəyimizə çata bilərik.
- Mövsümün əvvəllərində iddialı klublarımızdan sayılan "Bakı"nın medalçılar sırasına düşməyi çətin görünür. Avroliqaya vəsiqə qazanmaq da asan görünmür.
- Baş məşqçimiz Milinko Pantiç mətbuata açıqlamasında bildirib ki, qarşımıza Avroliqaya vəsiqə qazanmaq məqsədi qoyulmayıb. Ancaq mən belə düşünmürəm. Şəxsən mən yenidən avroliqada oynamağı çox istəyirəm. Bilirəm ki, bunu bütün komanda yoldaşlarım da arzulayır. Ancaq bu alınmasa, bizim üçün faciə sayılmamalıdır.
- Səncə, "Bakı" Avroliqada mübarizə aparmağa hazırdır?
- Əlbətttə, bunun üçün "Bakı"nın potensialı var. Son vaxtlar klubumuzda maliyyə problemi olsa da, inanıram ki, tezliklə hər şey qaydasına düşəcək. Bu, hər bir klubda baş verir. Maliyyə problemini özümüzə dərd etməməliyik. Klub prezidenti Hafiz Məmmədov heç vaxt xırda problemlərin böyüməsinə imkan verməyib. Ola bilər ki, hazırda bir qədər işləri çox olduğu üçün bu vəziyyət yaranıb. Biz bunları yox, Avroliqaya düşə bilməməyimzi özümüzə dərd etmliyik.
- Baş məşqçiniz Milinko Pantiç klubun saytına verdiyi bugünkü açıqlamasında "Bakı"nın avroliqada oynamağa hazır olmadığını deyib.
- Hər kəsin öz şəxsi fikri var. Məncə, Avropada oynamaq üçün bizdə hər şey var.
- Milli komandamızın baş məşqçisi Berti Foqts ABŞ-la keçiriləcək yoldaşlıq oyunu üçün dəvət göndərdiyi futbolçular arasında adın yoxdur. Onun qərarına münasibətin necədir?
- Foqtsun qərarına hörmətlə yanaşıram. Son aylarda zədədən əziyyət çəkirdim. Foqts özü mənimlə söhbət edib. Zədəm haqda ona məlumat verdim. Buna görə də milliyə dəvət almamağım başadüşüləndir. İnanıram ki, seçmə mərhələ oyunlarında yığmamızda olacam.
- Mövsümün sonuna az qalıb. Yerli klublarımızdan səninlə maraqlanan olub? "Neftçi" və "Qəbələ"nin sənə təklif göndərmək istədiyi deyilirdi.
- "Bakı" ilə müqaviləm olduğu üçün təkliflər mənim üçün maraqlı deyil. Ola bilər ki, hansısa klub xidmətimdə maraqlıdır. "Neftçi" və "Qəbələ"nin mənimlə maraqlanması xəbərini eşitmişəm. Ancaq təklif yoxdursa, bu haqda danışmağa dəyməz.
Ramiq AĞAMƏMMƏDOV
"Qara Qarayev komandamda olsa, çox sevinərəm" - Samir Abasov
“Neftçi”dən 8-ci uğursuzluq, “Zirə”dən qələbə
"İnanıram ki, o, "Qızıl Top"u qazanacaq" - Ançelotti
"Çelsi"nin futbolçusundan rekord
"Bağışlanmayacaq səhvlər etdik" - Azər Bağırov
"Neftçi" - "Sumqayıt" - Heyətlər
Azarkeşlər onu təhqir etmək istədi, La Liqa cavab verdi
Birində çıxdın? Bizimlə geri dön!
Mahir Emrelinin adı qalmaqalda - Məşqdə gərginlik
“Zirə” - "Kəpəz": Heyətlər
Həftəsonu Gecələri Daha da Maraqlı Olacaq!
Türkiyə Nuri Şahinin uğurundan danışır
Parkinq pulunu ödəməmişdi - Cəzası azaldıldı
Rüfət Dadaşovun yeni baş məşqçisi açıqlandı
Müğənninin çıxışını "Real"a görə ləğv etdilər
Yenilənən “Neftçi Arena” indi belə görünür - Video
"Milan"da qalır
Centlmensayağı razılaşma
FİFA Argentina millisinin qapıçısını cəzalandırdı
Benzia UEFA-nın TOP-5-də 1-cidir
Poqbanın gələcəyi ilə bağlı qərar verildi
Çalhanoğlu "Mançester Siti"nin hədəfində
"Bavariya"nın 100 milyon avroluq planı
"Yuventus" itkisini açıqladı
"Milan"dan 5 dəqiqəyə 3 qol - Video
“Traktor” zirvəyə yüksəldi
PSJ 3 xalı 3 qolla qazandı
“Milan” şərikli lider oldu
“Borussiya”dan əzmkar qələbə
U-17 millimizdən böyük hesablı məğlubiyyət
Superliqada 7-ci tur start götürdü
2-ci liqada oyunları vaxtı bilindi
"Araz-Naxçıvan" - "Səbail" oyunundakı 5 qol - Video
Şahin Diniyev: "Bir nöqtədən o qədər qol buraxmaq olmaz”