"İnter" klubunun yarımmüdafiəçisi Asif Məmmədov Qol.Az saytına müsahibəsində Azərbaycan Premyer Liqasının son turunda "Xəzər Lənkəran" üzərində qələbədən (3:0) və növbəti turda "Sumqayıt"la keçiriləck oyundan danışıb.
- "Xəzər Lənkəran" üzərində böyükhesablı qələbə haqda fikirlərini bilmək istərdik.
- Demək olar ki, çox vacib qələbə qazandıq. Bizi izləyən rəqiblərdən bir qədər də uzaqlaşdıq. Oyuna çox ciddi hazırlaşmışdıq. Layiqli qələbə qazandıq. Rəqibimiz son vaxtlar qeyri-sabit çıxış etsə də hər halda adi komandalardan deyildi. Yaxşı oyun nümayiş etdirməsəydik, belə rəqibə bu hesabla qalib gələ bilməzdik.
- Yəni "Xəzər Lənkəran"a böyük hesabla qalib gələcəyinizi gözləmirdin?
- Düzdü, son oyunlarda çox qol vururuq, yaxşı formadayıq. Ancaq "Xəzər Lənkəran"a 3 cavabsız qolla qalib gələcəyimizi gözləmirdim. Qələbəmizə isə şübhəm yox idi.
- "Qarabağ"ın son turlarda xal itkiləri ilə üzləşməsi sizdə az da olsa çempionluğa ümid yaradıb?
- Çox cüzi də olsa, ümidimiz var. Ancaq çempion olacağımız inandırıcı deyil. "Qarabağ" bu şansını əldən verməz. Buna baxmayaraq 5-10 faiz çempion olmaq şansımız var. Bu, nə bizdən, nə də "Qarabağ"dan asılıdır. Çempionluq tək bizdən asılı olsa da, əminliklə heç nə deyə bilmərəm. Qarşıda 4 çətin oyunumuz var.
- Bəzi komanda yoldaşların hələ də "İnter"in çempionluğa oynadığını deyir.
- Mən də çempionluğa oynadığımızı deyirəm. Ancaq bir qədər real danışmaq lazımdır. Bizim şansımız çox cüzidir. Qarşıdan gələn 4 turda "Qarabağ"la aramızda olan 8 xal fərqini aradan götürmək çox çətin görünür. Biz çalışmalıyıq ki, öz oyunlarımıza fikir verək.
- Hər halda çempionatın əvvəllərində autsayder olan "İnter"in bu pilləyə qalxması da yüksək nəticədir.
- Əlbəttə, mövsümün əvvəllərində çoxları deyirdi ki, "İnter" elitada qalmaq üçün mübarizə aparır. Yadınızdadırsa, avroliqaya vəsiqə qazanacağımıza heç kim inanmırdı. Ancaq mən o dövrdə də bütün müsahibələrimdə şansımızın itmədiyini deyirdim. Bu gün tutduğumuz yerdən çox məmnunuq. Mən ikinci yeri də çempionluq kimi görürəm. Hardan-hara gəlməyimizə fikir verəndə böyük işlər gördüyümüzü demək olar. Bu yeri qorusaq, əla nəticə olar.
- Premyer Liqamızın növbəti turunda son dövrlər iddialı klubların başağrısına çevrilən "Sumqayıt"la qarşılaşacaqsınız. Rəqibdən ehtiyat edirsiniz?
- Gördüyünüz kimi, "Sumqayıt" son turlarda "Nefçi"yə qalib gəldi, "Bakı"dan isə xal almağı bacardı. Bizi də çox çətin oyun gözləyir. Hazırda rəqibimizin əhval-ruhuyəsi yaxşıdır, həvəslidirlər. Elitanı tərk etməmək üçün var qüvvələrini ortaya qoyublar. Gənc və döyüşkən futbolçulardan ibarət kollektivləri var. Bu komandadan ehtiyatlanmalıyıq. Hər halda biz öz meydanımızda oynayacağıq, qalib gəlməliyik.
Ramiq AĞAMƏMMƏDOV
Fatih Terim istefa verdi
Ramilin komandası da Superliqa şansını itirdi
“Sabah” Abşerondan 52 uşaq seçdi
"İmişli" autsayderlə bacarmadı - Video
Vüsalın komandası Superliqaya vəsiqə qazana bilmədi
"Şamaxı"nı lider edən vacib qələbə - Video
Məşhur sabiq futbolçu "Spartak"ın baş məşqçisi oldu
"Bizə çempionluq lazımdır" - Ramiz Məmmədov
"Sevilya"nın əfsanəsi mövsümün sonunda gedir
AFFA "Turan Tovuz"un şikayətini təmin etmədi
"Arsenal"ın yeni forması - Şəkillər
"Beşiktaş"da yeni müqavilə
Alleqri İtaliya qəzetinin direktoruna hücum etdi
Almaniya millisinin Avro-2024 üçün ilkin heyəti açıqlandı
Toni Kroos: “Bavariya”nın qəzəbinə haqq qazandırmaq olar”
İstanbul derbisinin hakimləri müəyyənləşdi
Hakimi təhqir edən futbolçuya ağır cəza verildi
Paytaxt klubunun Lunyovla maraqlandığı iddia edilir
Arda Güler futbolda yeni trend yaratdı
"Zirə" ilə oyunda “Neftçi” məğlubiyyətini unutdurmalıyıq"
1-ci liqanın mərkəzi oyunu FİFA referisinə tapşırıldı
AFFA İntizam Komitəsindən cəza və cərimələr