18.04.20
Futbol üzrə Rusiya milli komandasının kapitanı Andrey Arşavin 2012-ci il Avropa çempionatı ilə erkən vidalaşdıqları üçün üzr istəyib.
31 yaşlı hücumçu “100 TV”yə müsahibəsində oyunçular və şəxsən öz adından üzrxahlığını çatdırıb.
Arşavin deyib: “Qrup mərhələsində göstərdiyimiz nəticə bizi və əlbəttə, azarkeşləri üzdü. Biz bunu anlayırıq. Mən də göstərdiyimiz oyuna görə kapitan kimi həm oyunçular, həm də şəxsən öz adımdan üzr istəyirəm. Kənarda qalmaq düzgün deyil. Ona görə də açıqlama verməyin lazım olduğu anı seçdim. Bu açıqlamanı bir dəfə verirəm və daha bu mövzuda danışmayacağam”.
Qeyd edək ki, Rusiya yığması Yunanıstana 0:1 hesabı ilə uduzaraq, Avropa çempionatının ¼ finalına vəsiqə qazana bilmədikdən sonra tənqid atəşinə tutulub. Hətta Dövlət Dumasının deputatı Anton Belyakov Arşavinin oyunun ardından otelin holunda onunla və bir sıra azarkeşlərlə söhbətini açıqladıqdan sonra vəziyyət qalmaqal həddinə çatıb. Lentə alınmış söhbət zamanı futbolçu deyir: “Əgər etimadınızı doğrultmadıqsa, bu, sizin probleminizdir”.
Kapitanın deputata ünvanladığı bu ifadə KİV tərəfindən tirajlanıb və çoxsaylı neqativ şərh alıb. Məsələyə Arşavinin çıxış etdiyi “Zenit” klubunun baş sponsoru “Qazprom”dan da reaksiya gəlib. Şirkətin idarə heyətinin sədr müavini Valeri Qolubev futbolçunu Rusiyaya hörmətsizlikdə ittiham edib və ölkədən çıxarılmasını təklif edib.
Xəbər: Lent.az
Milli çempionatların oyunları xaricdə keçirilə bilər
Məhsuldar ötürmələri ilə rekorda imza atdı
"Qarabağ" derbidə belə qalib gəldi - Video
Daha 2 güləşçimiz Avropa çempionu oldu
İngiltərə Kubokunun finalçıları bəlli oldu
Azərbaycan derbisində qalib yenə “Qarabağ” oldu
"Qalatasaray" - "Fənərbaxça" matçının heyətləri açıqlandı
Azərbaycan boksçusu Dünya kubokunda qızıl medal qazandı
Rəqibin saçını dartan futbolçu cəzalandırılmadı - Şəkil
"Şamaxı"nın qələbəsindən - Video
6 qol, 1 qırmızı vərəqə
"Pley-off haqda düşünmək istəmirəm" - Azər Bağırov
"Bəzən futbolumuzu şouya çevirmək istəyirik" - Ayxan Abbasov
"Real" La Liqanı məhkəməyə verdi
“Qarabağ”lı futbolçunun atası vəfat edib
