Vüqar Nadirov: "Neftçi" bizdən yaxşı oynamadı"

Vüqar Nadirov: "Neftçi" bizdən yaxşı oynamadı"
ÖLKƏ FUTBOLU 5 Aprel 2011 / 16:32 2676
-  A +

Bazar günü "Xəzər-Lənkəran"la qarşılaşacaq Ağdamın "Qarabağ" klubu bu gün istirahət edib. Qol.Az-ın məlumatına görə, "Neftçi" ilə oyunun ertəsi bir məşqlə kifayətlənən Qurban Qurbanovun komandası sabahdan məşqlərə başlayacaq.

Sonuncu turda "Neftçi" ilə oyunda alınmış məğlubiyyət komandanın 9 oyunluq qələbə seriyasına son qoyub. Komandanın son zamanlarda formada olan forvardı Vüqar Nadirova tribuna verməyi qərar gəldik. Görəsən, 23 yaşlı hücumçu sonuncu məlubiyyət və qarşıdan gələn oyunlar haqqında nə düşünür:

"Nə deyim. Oyuna istəkli çıxmışdıq. Belə elə erkən qol gözləmirdik. Qoldan sonra çətin oldu. Deməzdim ki, "Neftçi" bizdən yaxşı oynadı. İlk qolu vurub, arxaya çəkildilər, öz vaxtlarını gözlədilər. Daha bir qol vuraraq qələbə qazandılar. Millidə olmağımıza alışmışıq.

Deməzdim ki, ona görə uduzduq. Təbii ki, 2 gün hazırlaşmaqla 1 həftə bir yerdə çalışmaq eyni deyil. Ona görə də artıq qarşıdakı oyunları fikirləşmək lazımdır. "Neftçi" çempionatın ən güclü klublarından biridir. Ona görə də onlar da qələbə üçün meydana çıxmışdılar. İndi bu oyunla yaşasaq heç nə qazanmayacağıq.

"Neftçi" ilə daha bir dəfə də qarşılaşmalıyıq. Amma bakılılardan başqa daha 6 oyunumuz var. Biz hər zaman çətin məqamlardan çıxmağı bacarmışıq. 9 oyundu qələbə qazanırdıq. Bu baxımdan məğlubiyyət üzücü oldu. Artıq "Xəzər-Lənkəran"la oyuna hazırlaşacağıq. Ötən mövsüm də hamı bizə olan ümidini itirmişdi. Amma sonda çempionluq şansı olan 3-4 komandadan biri idik. İndi yenə də son qədər döyüşəcəyik".

Daha çox


Son xəbərlər