Pelenin özünü doğrultmayan gülməli proqnozları

Futbol kralı Pele dünya çempionatlarının vazkeçilməz bir siması olsa da, verdiyi proqnozları ilə həmin şöhrətini kiçiltməkdən yorulmur. Qol.Az-ın məlumatına görə, 1958, 1962 və 1970-ci illərdə dünya kubokunu başı üzərinə qaldıraraq adını futbol tarixinə qızıl hərflərlə yazdıran braziliyalı karyerasını bitirdikdən sonra adətən, verdiyi yanlış təxminləri ilə diqqət çəkməyi bacarıb. Təsadüfi deyil ki, bir ara digər məşhur brazilialı futbolçu Romario onun haqqında belə bir maraqlı ifadə işlətmişdi: “Pele agzını bağlı saxlayanda bir şair kimidir”. Luis Felipe Skolari isə daha çox uzağa gedərək “Məncə, Pele futboldan anlamır. Analizləri həmişə yanlış çıxır. Əgər kubok qazanmaq istəyirsinizsə, onun dediyinin tərsini həyata keçirməlisiniz”.
İndi isə gəlin Pelenin özünü doğrultmayan 10 məşhur proqnozuna diqqət yetirək:

10. Çin - 2002
Pelenin proqnozu: Çin 2002-ci ildəki dünya çempionatında qrupdan çıxacaq.
Nə oldu: Qrupu son sırada tamamlayan Çin heç rəqib qapılarından qol keçirə bilmədi.

9. İspanya - 1998
Pelenin proqnozu: “Fransa-98”in favoriti İspaniyadır.
Nə oldu: İspaniya Nigeriyaya yenildi, Paraqvay ilə bərabərə qaldı və heç qrupdan çıxa bilmədi.

8. Kolumbiyanın Amerika röyası
Pelenin təxmini: 1994-cü ilin dünya çempionu Kolumbiya olacaq.
Nə oldu: Qrupda sonuncu olan Kolombiya evinə erkən dönmək məcburiyyətində qaldı.

7. Argentina
Fransa və 2002-ci ilin dünya çempionatında
Pelenin təxmini: Fransa və Argentina finalda oynayacaq.
Nə oldu: Hər iki komanda heç qrupundan çıxa bilmədi. Hətta fransızlar rəqib qapılarından qol keçirməyi belə bacarmadı.

6. Ronaldo bitdi
Pelenin təxmini: Ronaldo “Milan”ın formasını geyərkən 2008-ci ildə zədələnmişdi. Həmin vaxt Pele həmyerlisinin karyerasının başa çatdığını bildirmişdi.
Nə oldu: 2009-cu ilin mart ayında “Korintians” forması ilə sahələrə dönən Ronaldo 14 maçtda 10 qol vurdu.

5. Nii Lemptey - "Yeni Pele"
Pelenin təxmini: 1991-ci ildə düzənlənən 17 yaşlılar arasında dünya çempionatının Alessandro Del Pyero ilə birlikdə ulduzu seçilən Lempteyi Pele "Yeni Pele" olacaq.
Nə oldu: Gözlənilən çıxışı heç cür göstərə bilməyən Lemptey karyerasında ancaq PSV, “Aston Villa” “Koventri” və “Ankaragücü” kimi komandalarda forma geyə bildi.

4. Maldini, Zidan və Ronaldo durarkən Niki Barmbi
 
Pelenin təxmini: Niki Barmbi dünya miqyasında bir ulduz olacaq.
Nə oldu: O, sıradan bir futbolçudan o tərəfə keçə və heç dünya çempionatında iştirak etmək hüququ qazana bilmədi.

3. Afrikadan çempion çıxar
Pelenin təxmini: 2000-ci ildə Afrika qitəsinin dünya çempionu çıxaracağını söylədi.
Nə oldu: 2010-cu ilə gəldik, amma Afrika ölkələri heç yarımfinala çıxa bilməyib.

2. Brazilya - 2002
Pelenin təxmini: Braziliya qrupdan belə çıxa bilməyəcək.
Nə oldu: Braziliya çempion oldu.

1. Maraq üçün Pelenin bu gün start götürəcək DÇ ilə bağlı proqnozunu da diqqətinizə çatdırırıq. Hansı ki, gerçəkləşməsi çox da inandırıcı görünmür: “İnanıram ki, final qarşılaşmasında Dunqanın komandası ilə (Braziliya) hansısa Afrika yığması qarşılaşacaq”.
Nə olacaq: Afrika təmsilçisinin finala cıxacağına siz inanırsınız?