Moldova - Azərbaycan - 4:2 (YENİLƏNİB)

Avropa çempionatının seçmə mərhələsinin oyunlarına hazırlaşan Azərbaycanın 21 yaşadək futbolçulardan ibarət milli komandası bu gün Kişinyov şəhərində moldovalı həmyaşıdları ilə yoxlama oyunu keçirib.

Bakı vaxtı ilə saat 20.00-da başlayacaq bu oyun Qol.Az saytı vasitəsilə canlı yayımlanıb.

Yoldaşlıq oyunu
Saat 20:00. Moldova (U-21) - Azərbaycan (U-21) 4:2

Gənclərdən ibarət yığmamızın baş məşqçisi komandasını aşağıdakı start heyəti ilə meydana buraxıb:

Osman Umarov, Tural Axundov, Tərlan Quliyev, Novruz Məmmədov, Nodar Məmmədov, Pərvin Paşayev, Emin Mustafayev, Orxan Həsənov, Emin Cəfərquliyev, Hüseyn Axundov, Nizami Hacıyev.

* Oyuna xeyli azarkeş toplaşıb. Onların arasında gənclər daha çoxluq təşkil edir. Xanımların futbola axını diqqət çəkir.

Oyun başladı

3. Görüşün baş hakimi qapımıza penalti təyin etsə də, yan xətt hakimi ilə məsləhətləşəndən sonra qərarını dəyişdi

* Tədricən komandamız üstünlüyü ələ almağa başlayıb. Amma hələ təhlükəli vəziyyət yarada bilməyib

* Oyunu minədək azarkeş izləyir

* Meydan sahibləri hesabı açmaq üçün bir neçə hücum təşkil etsə də, müdafiəçilərimiz etibarlı oyun nümayiş etdirir

19. Oyun əsasən meydanın mərkəzində gedir. Komandamız topa daha çox sahib olsa da, ötürmələrdə çoxsaylı səhvlərə yol verir

20. Komandamız oyunda ilk real qol vəziyyətini yaradır. Amma Emin Mustafayevin cərimə meydançasının içindən vurduğu top qapının üstündən keçir.

24. Moldovalılar da qapımız qarşısında təhlükəli vəziyyət yaradır. Lakin qapıçımız Osman Umarov komandamızı real qoldan xilas edir.

27. Tural Axundov rəqib futbolçuya qarşı kobud oynadığına görə sarı vərəqə ilə cəzalanır

37. Müdafiəçilərimizin səhvindən sonra Dmitri Vornisel dəqiq baş zərbəsiylə hesabı açır - 1:0

38. Lippert Tural Axundovun əvəzində Qara Qarayevi meydana buraxır

41. Qapımız qarşısında daha bir təhlükəli vəziyyət. Çertinin baş zərbəsi qapının üstündən keçir

43. Umarovla anlaşmazlıq nəticəsində Novruz Məmmədov avtoqola imza atır - 2:0

45. Müdafiəçilərimizin kobud səvhi qapımıza daha bir qolun vurulmasıyla nəticələnir. Bu dəfə də Vornisel fərqlənir - 3:0

Komandamız fasiləyə 0:3 hesablı yenilgiylə yollanır

İkinci hissə başladı

46. Lippert dəyişikliyə əl atır. Pərvin Paşayevi Cavid İmamverdiyev, Emin Mustafayevi Tagim Novruzov, Hüseyn Axundovu Şəhriyar Rəhimov əvəz edir

55. İkinci hissəyə də meydan sahibləri hücumlarla başlasa da, hazırda komandamız topa daha çox sahib olan tərəfdi. Lakin hücumlarımız kəsərsizdir

58. Rəqibin cərimə meydançasına ötürülən topu Emin Cəfərquliyev başla qapıya göndərsə də, azca dəqiqliyi çatmır

60. Ardıcıl 2 hücum. Cavid İmamverdiyevin zərbəsini tutan qapıçı ardından Orxan Həsənovun təkbətək çıxmasına imkan vermir

61. Komandamız fəallığı artırıb. Cavid İmamverdiyev yüzfaizli qol imkanını əldən verdi 

76. Osman Umarov yüzfaizli qola imkan vermir

77. Cavid İmamverdiyev təxminən 25 metrlik məsafədən vurduğu gözəl qolla hesab arasındakı fərqi azaldır

79. Hesab arasındakı fərqi minimuma endirə bilərdik. Gəl ki, Tagimin uzaqdan zərbəsi tirdən dönür

82. Daha bir gözəl fürsəti qaçırdıq. Emin Cəfərquliyev boş qapıya düşə bilmir

84. Şəhriyar Rəhimov hesab arasındakı fərqi azaldır - 3:2

Oyunun sonlarında üstünlük tam komandamızın tərəfindədi. Lakin Orxanla Cavid iki çox təhlükəli zərbəsi "çərçivə"yə düşmədi

Millimiz əzmkar oyun sərgiləsə də, hələlik ümumi nəticədə geridi. Oyunun sonu olduğundan futbolçularımız tələsirlər

90. Komandamız hesabı bərabərləşdirməyə çalışdığı bir vaxtda öz qapısında qol görür. Mihay Turcan matçda son nöqtəni qoyur - 4:2.

Matç başa çatdı