“İlk pərəstiş elədiyim və oyunlarına baxdığım komanda “Barselona” olub. Sonradan isə “Çelsi” azarkeşi oldum. Hələ də bu komandaya azarkeşlik edirəm. Hətta Didye Droqbanı sevimli komandamda görəndə çox sevinmişdim”.
Qol.az-ın məlumatına görə, bu sözləri “Qarabağ”ın hücumçusu Dino Ndlovu deyib. Çempionlar Liqasının qrup mərhələsində “Çelsi” ilə oyunöncəsi “goal.com” saytına danışan afrikalı forvard qarşılaşma ilə bağlı fikirlərini açıqlayıb:
“Biz bu oyunda heç-heçə haqda düşünmürük. “Çelsi”ni məğlub etmək istəyirik. Həqiqətən inanırıq ki, öz oyunumuzu göstərib rəqibə qalib gələ bilərik. Evdə oynayırıq. 69 min bilet satılıb. Stadionda möhtəşəm atmosfer olacaq. Bu, Çempionlar Liqasında çıxış edən istənilən komanda üçün normal göstəricidir.
İlk oyunda “Çelsi”dən qorxmurduq. Amma onlara çox hörmət edirdik. Rəqib futbolçulara həmkar yox, televiziyadan izlədiyimiz ulduzlar kimi yanaşırdıq. Vaxt keçdikdə Çempionlar Liqasının qrupunda özümüzü daha rahat hiss etməyə başladıq. Bu səviyyədə keçirilən görüşlərdə necə oynamalı olduğumuzu düşündük. Dedik ki, biz bu qrupda da nəsə edə bilərik, hələ son deyil. Qarşıdakı 2 oyunda rəqiblərimizdən nəsə ala bilərik. Əminəm ki, “Çelsi” ilə budəfəki qarşılaşma da asan olmayacaq. Fabreqas, Kante və Azar kimi futbolçularla qarşılaşanda düşünürsən ki, onları itələyib, nəsə edə bilərsən. Amma çox güclü, ağıllı və cəlddirlər. Topa nəzarət etməyə çalışdığınız anda onu sizdən ala bilirlər. Bununla belə, ÇL-dəki son 2 matçda daha yaxşı oyun göstərəcəyimizə inanıram”.
Ndlovu “Stemford Bric”dəki oyundan (0:6) sonra “Çelsi”nin futbolçularından biri ilə formasını dəyişdirmək istəsə də, Qurban Qurbanovun reaksiyasından ehtiyat edib. Ancaq Bakıdakı oyunda yaxşı nəticə qazanacaqları halda formasını dəyişdirəcəyini bildirib: “Mən Azar və ya Batşuayi ilə formamı dəyişmək istəyirdim. Amma məsələ burasındadı ki, 0:6 hesabı ilə uduzmuşduq. Öz özümə dedim ki, belə məğlubiyyətdən sonra forma dəyişə bilmərəm. Əslində, hər iki futbolçu ilə danışmışdım. Sadəcə, “Çelsi”nin forması ilə paltardəyişmə otağına girsəydim, baş məşqçi bərk əsəbləşəcəkdi. Amma bu dəfə yaxşı nəticə qazansaq, istəyimi reallaşdırmağa çalışacam”.
“Qarabağ”la yaya qədər müqaviləsi olan Ndlovu komandada qalmaq istəyini gizlətməyib: “Oyun tərzinə görə “Qarabağ” “Barselona”ya bənzədilir. Biz topa nəzarət etməyi xoşlayırıq. Rəqiblərimiz isə bizimlə oyunda müdafiədə "avtobus" qururlar. “Qarabağ”ın start heyətində yer alan 11 futbolçunun hər biri milli üzvüdür. Heyətimizi uzun illərdir saxlayırıq. Yəni bizneslə məşğul olan klub deyilik. “Qarabağ”ın heyətində 6-7 ildi bir yerdə çıxış edən xeyli sayda futbolçu var. Onlar istedadlı olduqları üçün bu qədər müddətdə komandada qalıblar. Bir də “Qarabağ”da futbolçulara yaxşı məvacib verilir. “Qarabağ”la müqaviləmin müddəti 6 ay sonra başa çatacaq. Gələcək karyeramla bağlı klub rəhbərliyi ilə hələ heç bir müzakirəmiz olmayıb. Baş məşqçi məndən razı olduğunu deyib. Bayram tətilindən qayıdandan sonra rəhbərliklə oturub, danışacağıq, onların təklifinə baxacam. Hətta yaxşı təklif almasam belə, deyə bilərəm ki, karyeramın ən yaxşı illərini “Qarabağ”da keçirmişəm. Ailəm burda xoşbəxtdir. Əgər yaxşı yeni müqavilə təklifi alsam, burda qalmaq məni daha da xoşbəxt edər”.
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi
Bir dövrün sonu
Azərbaycanın U-17 və U-19 millilərinin rəqibləri bəlli oldu
“Liverpul”un futbolçusu məşhur aktyorun qızı ilə sevgilidir
Bakıda Avropa çempionatı keçiriləcək
Rəqibi təpiklə vuran futbolçunun cəzası açıqlandı
AFFA öz futbolçularını təhqir edən baş məşqçini cəzalandırdı
"Şamaxı"nın vacib səfər qələbəsi - Video
“Turan Tovuz”un futbolçusu 4 oyunluq cəzalandırıldı
"Qarabağ" - "Neftçi" matçının biletləri satışda
“Barselona” Pedrini satacaq
"Yaxşı ki, Belarusla qarşılaşdıq" - Millinin baş məşqçisi
Avroliqada həftənin ən yaxşısı adına 2 namizəd
Birinci liqanı tərk edəcək komanda bilindi
Ardıcıl 7-ci dəfə çempion oldular
Messiyə mükafat verildi
Volkan Demireldən istefa qərarı
Andrixin gözəl qolu, "Bayer"in qələbəsi - Video
“Olimpiakos”dan sürpriz, “Fiorentina”dan çətin qələbə
"Bayer" "Roma"ya qalib gəldi, Marseldə heç-heçə
London derbisini “Çelsi” qazandı
"İnter Mayami" Messinin daha bir dostu ilə danışıqlar aparır
Azərbaycanın U-17 millisi Belarusa uduzdu
“Sabah”ın Tərtərdəki seçimləri yekunlaşdı - Video
"Şamaxı"nı 2-ci pilləyə yüksəldən qələbə - Video
Avro-2024-ü buraxacaq
"Çelsi" Konteyə təklif göndərdi