Bu gün birdən-birə Azərbaycanın 3 müxtəlif yaş qrupları üzrə milli komandalarında baş məşqçlərlə yollar ayrılıb.
Əvvəlcə, günün birinci yarısında Samir Ələkbərov U-21 millisini tərk etdiyini açıqlayıb. Ələkbərovun gedişi sürpriz deyildi. Çünki o, bu vəzifəyə üç oyunluq təyin edilmişdi və rəsmi olaraq, baş məşqçi deyil, onun səlahiyyətlərini icra edən şəxs idi. Ələkbərovun rəhbərliyi altında Azərbaycan Almaniyaya hər iki matçda biabirçı hesabla uduzub (1:6, 0:7), Kosovo ilə isə heç-heçə edib. Yəni məşqçi kimi o, komandada heç bir uğur qazana bilmədi.
Günün ikinci yarısında isə AFFA U-19 millisinin baş məşqçisi Təbriz Həsənov və U-17 millisinin baş məşqçisi Mirbağır İsayevlə müqavilənin qarşılıqlı şəkildə pozulduğunu açıqladı. Faktiki olaraq, hər iki məşqçi vaxtından əvvəl istefaya göndərilib. Halbuki onlar bu vəzifəyə cəmi 7 ay əvvəl, AFFA İcraiyyə Komitəsinin 15 mart, 2017-ci tarixli qərarı ilə təyin edilmişdilər. Üstündən belə qısa vaxt keçdikdən sonra AFFA-nın birdən-birə bu cür radikal qərar verməsi maraq doğurmaya bilməz.
Qeyd edək ki, U-17 bu il “Avro-2017”nin seçmə mərhələsində keçirdiyi üç oyundan 1-də qalib gəlib, 2-də isə acınacaqlı hesabla uduzub – Bolqarıstan 2:1, Ukrayna və İrlandiya müvafiq olaraq - 1:6, 0:6.
U-19-a gəlincə, Təbriz Həsənovun rəhbərliyi altında Avropa çempionatının seçmə mərhələsində bu komanda da acınacaqlı nəticə göstərərək 1 xalla sonuncu yeri tutub (Kipr - 1:2, Serbiya - 1:4, İrlandiya – 0:0).
İntizamsızlığa, özbaşınalığa və tapşırıqlara son!
AFFA rəhbərlyinin bugünkü qərarları məhz milli komandaların yeni baş məşqçisi Qurban Qurbanovun istəyi ilə verdiyini demək olar. Məlumdur ki, Q.Qurbanov “Qarabağ”da olduğu kimi, millidə də bütün yaş qrupları üzrə komandalara nəzarət edəcək. AFFA ilə ən azı 6 il müqavilə bağlandığı açıqlanan və milliyə uzun dövr üçün gələn Q.Qurbanovun islahatlara əsas komandadan deyil, aşağı yaş qruplarından başlaması gözlənilən idi.
Məlumdur ki, bu gün Azərbaycan futbolunun əsas problemi məhz uşaq, yeniyetmə və gənclər futbolu ilə bağlıdır. İndiyədək bu yaş qrupları üzrə komandalarda böyük kadr (futbolçu) problemi olub və qalmaqdadır. Bundan başqa, baş məşqçilərin işinə həm AFFA, həm futbol menecerləri və digər tanınmış futbol (və qeyri-futbol) adamlarının birbaşa kobud müdaxiləsi olub (yeri gəlmişkən, bu gün U-21 millsindən getdiyini açıqlayan Samir Ələkbərov Qol.az saytına bugünkü müsahibəsində bunu dolayısı ilə etiraf edib). Nəticədə milli komandalara xeyli milliləşdirilmiş əcnəbi legioner cəlb edilib (onlar arasında dağıstanlılar və Avropada yaşayan türklər çoxluq təşkil edib) ki, onların da faktiki olaraq heç birinin bizim futbola xeyri dəyməyib.
Bəs, bundan sonra necə olacaq?
Heç şübhəsiz, boş qalan baş məşqçi vəzifələrinə təyinatlar əvvəlkitək təkcə AFFA-nın rəhbərliyinin istəyi ilə gerçəkləşməyəcək. Bu məsələdə yekdil söz Qurban Qurbanovda olacaq. Şübhə doğurmur ki, aşağı yaş qrupu üzrə komandalara həm məşqçi, həm də futbolçu seçimi birbaşa Qurbanovun razılığı və məsləhəti ilə təyin ediləcək. Beləliklə də, milli komandalarda uzun illərdi bəlaya çevrilən intizamsızlıq və özbaşınalıq, məşqçilərin işinə federasiya tərəfindən kobud müdaxilələr getdikcə aradan qalxmağa başlayacaq.
Yeni təyinatlar nə vaxt açıqlanacaq?
Böyük ehtimalla Qurban Qurbanovun millinin baş məşqçisi vəzifəsinə rəsmi olaraq başlayacağı dekabr ayından. O, istedadına, potensialına və bir insan kimi yüksək keyfiyyətlərinə bələd olduğu məşqçiləri bu vəzifələrə gətirəcək. Güman etmək olar ki, bu vəzifələrdən birində (ən çox U-21-də) Q.Qurbanovun “Qarabağ”dakı əsas köməkçisi Elçin Rəhmanov və ya "Zirə"nin sabiq baş məşqçisi Adil Şükürov təyin ediləcək. Yeri gəlmişkən, Rəhmanov və Şükürov U-21 millisinin Almaniya ilə oyununu (0:7) ayrı-ayrılıqda stadiondan canlı izləyib.
Amma əlbəttə, ən önəmli dəyişikliklər əsas milli komandada olacaq. Böyük ehtimalla futbolçu kimi məşhur olsalar belə, xarakterlərində qüsurları olan bir çoxuna ya millinin qapısı göstəriləcək, ya da yeni məşqçinin özlərini yığışdırıb intizama əməl etməsi üçün həmin oyunçularla ciddi söhbəti olacaq.
ELGÜN
Falkao vətəninə qayıdır
Gökhan İnlerə İtaliya klubunda vəzifə verildi
"Dinamo" Mahirə "bravo" dedi - Şəkil
Koutinyonun müqaviləsinə xitam verildi
"Borussiya"da baş məşqçi vəzifəsinə əsas namizəd bilindi
Yaponiya millisinin üzvü rəsmən “Bavariya”da
Rövşən Nəcəf Fernandu Santuşla görüşdü - Şəkillər
"Atletiko"da yeni müqavilə
Volkov “Zirə”yə qayıtdı - Yenilənib
Kvaratsxeliya: "Avro-2024-də iz qoymaq istəyirik"
"Borussiya" Terziçlə yolları ayırdı
"Misli” “GoalPlus SummerFest 2024” yarışlarının sponsorudur
"Milan" yeni baş məşqçisini rəsmən açıqladı
"Sumqayıt" legioneri ilə yolları ayırdı
Keyn: “Tarix yazmağa çalışacağıq”
“Qurban Qurbanov öz istəyi ilə iclasa qatılmadı”
"Uğursuzluqda jurnalistlərin nə günahı var?"
Santuş AFFA ilə necə illik müqavilə bağlayıb?
"Qarabağ"ın iki futbolçusu daha bir il "Zirə"də
AFFA Fernandu Santuşun təqdimatını keçirib - Şəkillər
“Məqsəd möhkəm komanda qurmaq və çempionatda yerimizi möhkəmlətməkdir” - Ayxan Abbasov
Messi məşqçi olacaqmı? - Özü açıqladı
Braziliya millisi qələbəni belə əldən verdi - Video
"Bolonya"nın hücumçusu Niderland millisinə çağırıldı
Ayxan Abbasov rəsmən "Şamaxı"da
Laporta Xavinin istefasının səbəbindən danışdı
Flik onu yenidən "Barselona"da görmək istəyir
Braziliya millisindən heç-heçə
"Bavariya" yaponiyalı futbolçu transfer edir
Nestanın yeni klubu - Rəsmi
Qattuzo bu klubun baş məşqçisi oldu
"Mançester Yunayted"in siyahısında üç hücumçu var
"Yuventus"un yeni baş məşqçisi rəsmiləşdi
"Tottenhem" onunla yolları ayırdı
Türkiyə Superliqası klubunda yeni baş məşqçi
Morata: "Qızıl medal qazanmaq üçün buradayıq"
Emre Can Almaniya millisinə çağırıldı
Mircavadov: “Vallah, Santuş Canni de Byazidən uğurlu olar”
Mbappenin "Real"da təqdimat tarixi bəlli oldu