"Səbail"in baş məşqçisi Aftandil Hacıyev Premyer Liqanın XI turunda səfərdə "Qəbələ"yə 0:3 hesabı ilə uduzduqları oyundan sonra mətbuat konfransı keçirib. O, əvvəlcə məğlubiyyəti şərh edib.
- Çox qısa danışacam. Çünki oyunla bağlı deyiləsi çox şey yoxdur. Meydanda iki fərqli komanda gördük. Düzdür, ilk hissədə qol epizodlarımız oldu, oyunu dəyişə bilərdik. Ancaq onları dəyərləndirsəydik belə, bugünkü görüşdə istəkli tərəf "Qəbələ" idi. Komandamı istəksiz görmək mənə çətin idi. İlk dəfə idi, "Səbail" belə istəksiz oynayırdı. Məğlub olduğumuz oyunlar olub ki, komandamı təbrik etmişəm. Çünki tərifəlayiq oyun göstəriblər. Hesab edirəm ki, bu gün ən zəif oyunumuzu nümayiş etdirdik. Detallara çox varmaq istəmirəm. Burada bir çox səbəb ola bilər. Məsuliyyət ilk növbədə məndədir. Bu oyunu tez bir zamanda təhlil edib, fasilədən də yararlanıb, qarşıdakı matça hazırlaşmalıyıq. "Qəbələ"ni isə layiqli qələbə münasibətilə təbrik edirəm.
- "Səbail" 6 oyundur qələbə qazana bilmir. Bütün bunların kökündə komanda ətrafında gəzən söz-söhbət, maliyyə problemi dayanmır?
- Yenə deyirəm, çox səbəb ola bilər. Dəqiq deyə bilmərəm ki, sırf buna görədir. Ara-sıra problemlərimiz oldu. Ancaq bu gün elə ciddi problem yoxdur. Bu məsələyə belə yanaşmaq istəmirəm. Peşəkar komandalarda belə olmamalıdır. Ümumiyyətlə, sadəcə, oyunla bağlı fikir bildirə bilərəm. Ümidli idik ki, bu gün yaxşı oynayıb, xal və ya xallar qazanacağıq. Ancaq alınmadı.Səbəblər barədə hərənin öz fikri ola bilər. Amma bir şey dəqiqdir ki, bu "Səbail" ötənilkindən fərqlənir.
- Komandada lider oyunçular var. Ancaq sanki onlar da yükün altına girmək istəmirlər. Onlarla söhbətiniz olubmu?
- Düzdür, təcrübəli futbolçularımız var. Bu yükü daha çox onlar üzərilərinə götürməlidirlər. Amma hər şeyi sırf onların da üstünə atmaq olmaz. Futbolu 1 nəfər deyil, 11 nəfər oynayır. Elə matçlar olur ki, onlar üçün də çətin olur. Bu gün də həmin görüşlərdən biri idi. Söhbətlərimiz olur. Amma hərdən istədiyimiz kimi alınmır.
- Qarşıdakı 1 və ya 2 oyunda da uğursuzluq olsa, istefa barədə düşünəcəksiniz?
- Bu haqda düşünmürəm. Müqaviləm davam edir. Fikrinizə hörmətlə yanaşıram. Amma mənə elə gəlir ki, siz "Səbail"dən çox şey gözləyirsiniz. Builki "Səbail" o gücdə deyil. Hazırda 4-cü yerdəyik. Mənə elə gəlir ki, hazırkı duruma görə pis deyil.
- Ağabala növbəti turu buraxacaq...
- Problemlər çoxdur. Vərəqə limitində olan futbolçularımız var. Qarşıdakı turlarda bunun acısını daha çox çəkəcəyik. Bunların hamısını bilirdim. Avroliqa oyunundan sonra strategiya dəyişdi. Heyətə cəlb etmək istədiyimiz yerli futbolçular artıq öz klublarında idi. Hətta yuxarı pillələrdə olduğumuz vaxtda belə demişdim ki, çətin duruma düşə bilərik. Çox keçmədi, həqiqətən də indi həmin vəziyyətdəyik. Bu da bir başqa təcrübədir. Vəziyyəti yaxşılaşdırmağa çalışacağıq.
- Ola bilərmi ki, komanda özü oynamır?
- O fikirləri ümumiyyətlə yaxın buraxmaq istəmirəm. Heyətimizdə elə futbolçular yoxdur ki, bilərəkdən oynamasın. Sadəcə, bu gün "Qəbələ" daha istəkli idi.
- Esyen bu gün 5 dəqiqə də oynaya bilməzdi?
- Bu gün Esyeni 5 dəqiqəlik meydana buraxmaqdansa... Sevindirici məqam odur ki, Əli kimi gənc futbolçumuza şans verdik. Esyenin 5 dəqiqə oynamağa ehtiyacı yoxdur. Düşünürəm ki, daha çox yerliləri meydana buraxmaq gələcəkdə ölkə futboluna nəsə qazandıra bilər (sportinfo.az).
26 oyunda 31 qol - Video
Qrizmann qayıtdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi
PFL 35 oyunun vaxtını açıqladı
4-cü Avropa Oyunları bu şəhərdə keçiriləcək
Pele və Ronaldonu geridə qoydu
Gürcüstan, vicdan və imtahan...
Baş nazir milliinin üzvlərinə orden veriləcəyini açıqladı
"Səbail"in futbolçusu oynadı, milli komandası qalib gəldi
Ronaldo 2,2 milyon dollarlıq "Ferrari"si ilə - Video
"Qarabağ" gürcü futbolçunu təbrik etdi
Kvaratsxeliya ləzginka oynadı - Video
"Mançester Yunayted" avrokuboklardan kənarda qala bilər
Roberto Martinezli Portuqaliya millisində ilk
Benzia millidə gözəl qol vurdu - Video
Gürcülərin tarixi qələbə sevinci - Şəkillər
Avro-2024-ün bütün iştirakçıları - Siyahı
Avro-2024-ün son üç iştirakçısı da bilindi
Türkiyə millisi 6 qolla uduzdu
Gürcüstanın tarixi qələbəsi - Video