"Qəbələ" - "Səbail": 12-ci duel

"Qəbələ" - "Səbail": 12-ci duel
XƏBƏR 8 Noyabr 2019 / 23:15 1425
-  A +

Bu həftə Azərbaycan Premyer Liqasında XI turun oyunları keçiriləcək.

Qol.az-ın klubun saytına istinadən yaydığı xəbərə görə, milli komandaların oyunları ilə əlaqədar yaranacaq fasilə ərəfəsində “Qəbələ” “Səbail”lə qarşılaşacaq. Ardıcıl ikinci ev oyununa çıxacaq “qırmızı-qaralar” tarixində 12-ci dəfə paytaxt təmsilçisi ilə görüşəcək. Əvvəlki 11 görüşdə üstünlük əyalət təmsilçisinin tərəfindədir. Hesabında 6 qələbə və 3 heç-heçə olan “Qəbələ” yalnız iki dəfə uduzub. Rəqib qapısından 20 top keçirən futbolçular 11 qol buraxıblar. Komandanın qollarından 6-na Baqali Dabo imza atıbsa, Famussa kone və Ceyms Adeniyi hərəyə 3 dəfə fərqlənib.

Bu matçlardan ikisi Azərbaycan kuboku, doqquzu Premyer Liqa çərçivəsində olub. Çempionatdakı oyunlardan dördündə qələbə qazanan “Qəbələ” 3 heç-heçə edib və 2 dəfə xalsız qalıb. Top fərqi də “qırmızı-qaralar”ın xeyrinədir – 15:9.

Ev oyunlarında “Səbail”ə uduzmayan “qırmızı-qaralar” 4 dəfə qalib gəlib, 1 dəfə heç-heçə edib. 10 qola imza atan "Qəbələ" üç top buraxıblar. Komanda ev matçlarından qolsuz ayrılmayıb.

 


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı