“Qarabağ”ın Avropa Liqasının pley-off mərhələsindəki rəqibi “Linfild”in baş məşqçisi Devid Hili oyun öncəsi tərəflərin şanslarını dəyərləndirib.
Qol.az Şimali İrlandiya mətbuatına istinadən xəbər verir ki, 40 yaşlı mütəxəssis hər iki oyunda “Qarabağ”ın favorit olduğunu bildirsə də, komandasının asanlıqla təslim olmayacağını bildirib.
Şimali İrlandiya millisinin sabiq üzvü hər iki qarşılaşmanın onlar üçün çətin keçəcəyini vurğulayıb: “Bilirik ki, bizi çətin oyunlar gözləyir. Maraqlı mübarizə olacaq. “Qarabağ” formalaşmış klubdur, heyətində ağıllı hücumlar qurmağı bacaran oyunçuları var. Baxmayaraq ki, səfərdə qalib gəldikləri Kiprin APOEL klubuna evdə 0:2 məğlub oldular, ancaq onların Çempionlar Liqasında oynamaq üçün daha yaxşı potensialı var idi”.
“Qarabağ”ın baxımlı oyun sərgilədiyini qeyd edən Devid Hili “Linfild”in şanslarından danışıb: “İnsanlar düşünə bilər ki, sadə Azərbaycan klubu necə favorit ola bilər? Amma sizi tam əmin edirəm ki, onların oyunçularına baxdıqda necə bir oyun keyfiyyətinə malik olduqlarını görmək olur. Heyətdə millidə də çıxış edən futbolçular var. Bizim hər iki oyunda baxımlı oyun göstərməyə ehtiyacımız var. Yaxşı nəticə əldə etmək üçün əlimizdən gələni edəcəyik. Təhlükəli və texnikası yüksək olan futbolçulara qarşı oynayacağıq. Buna görə də biz yerimizdə oturub Avropa Liqasından kənarda qalmaq haqqında düşünə bilmərik. Əvvəlki oyunlarda olduğu kimi burda da hücum futbolundan istifadə edəcəyik. İndiyə qədər bu taktikadan yararlanmışıq, bundan sonra da bu sistemi dəyişməyi düşünmürəm”.
Qeyd edək ki, “Linfild” - “Qarabağ” matçı Bakı vaxtı ilə 22:45-də “Vindsor Park”da başlayacaq. Cavab oyunu avqustun 29-u Tofiq Bəhramov adına Respublika stadionunda keçiriləcək.
"Sabah"ın U-13 komandası İtaliyaya yollanır
Saatlıda 4 qol vuruldu - Video
"Qarabağ"a qarşı bu dəfə fərqli çıxış etmək istəyirik"
Tonali mərc oyunlarında 50 qayda pozuntusunda ittiham olunur
Liderdən "İrəvan"a 3 cavabsız qol - Video
"Karvan" xal itirdi, "Araz Saatlı"dan darmadağın
Misli Premyer Liqasında 4 oyunun hakimləri bilindi
Dani Alveş ziyafət təşkil etdi
"Bavariya"ya rədd cavabı verdi
"Napoli" Xviça ilə yeni müqavilə imzalayır
"Neftçi"nin sabiq futbolçusu "Molde"də
"Bayer" hazırda dünyanın ən güclü komandasıdır”
"Neftçi" "Qəbələ" ilə oyuna itkilərlə çıxacaq
"Borussiya" Terziçin qarşısına şərtlər qoydu
26 oyunda 31 qol - Video
"Qarabağ" sabah 11-ci çempionluğu rəsmiləşdirə bilər
"Neftçi"nin legionerinin zədəsi sağaldı
Gürcülər çox döşünə döyməsin, biz də monqollara qalib gəldik
Benzia “Puşkaş” mükafatına layiq görülə bilər - Video