"Kəpəz"in portuqaliyalı yarımmüdafiəçisi Serjinyonun klubun saytına müsahibəsi
- Serjinyo, çempionatın ilk yarısı üçün “Kəpəz”in çıxışını necə qiymətləndirirsən?
- Mövsümün ilk iki dövrəsi bizim üçün heç də pis keçmədi, amma düşünürəm ki, daha yaxşı çıxış edə bilərdik. Heç-heçə başa çatan 2-3 matçda qələbə qazansaydıq, daha çox xal toplaya bilərdik. Bunun da sayəsində turnir cədvəlində üst pillələrdə olacaqdıq.
- Uğurlu nəticə qazanmağa nə çatmadı?
- Sadəcə, bəzi oyunlarda məşqçinin tələblərini düzgün yerinə yetirə bilmədik və yaxşı oynamadıq. Həmçinin, buraxılan bir neçə qolda bizə yaraşmayan səhvə yol verdik. İndiki halda bu səhvlərdən nəticə çıxarıb, növbəti matçlarda daha yaxşı oynamaq lazımdır.
- Baş məşqçi səni oyunlarda gah cinah yarımmüdafiəçisi mövqeyində, gah da meydanın mərkəzində oynatdı. Serjinyo üçün harada oynamaq rahatdır?
- Harada oynamağım önəmli deyil və bunu problem hesab etmirəm. Odur ki, heç bu haqda da düşünmürəm. Digər klublarda da siz dediyiniz mövqelərdə çıxış etmişəm. Mənim üçün əsas olan daim oynamaq və komandaya kömək etməkdir. Bunun üçün meydanda çalışıram.
- Yəqin ki, hələ ən yaxsı oyununu göstərməyibsən. Çünki daha yaxsı çıxış edə biləcəyinə əminik. Bunun uygunlaşma ilə baglı olduğunu düşünürük. Artıq müəyyən müddət keçib. Qış fasiləsindən sonra daha yaxşı Serjinyonu görə biləcəyik?
- Bəli, bu günə kimi oynadığımdan daha yaxşı çıxış etməyə çalışacağam. İstəyirəm ki, daha çox inkişaf edim və komandaya xeyrim dəysin. Çox sakitəm, gördüyüm işdən də məmnunam. Zamanla ən yaxşısını edə bilərəm. Ancaq istənilən halda məncə, bu günə kimi heç də pis təsir bağışlamadım və demək olar ki, hər matçda komandaya kömək edə bildim. Ola bilər azarkeşlər mənim önə qaçıb qol vurmağımı arzulayırlar. Düzdür, çıxış etdiyim mövqe rəqib qapısına yaxındır, amma bu, o qədər də asan məsələ deyil. Mənim oyun üslubum əsasən təhlükəli epizodlar yaratmaq, hücumçulara qol ötürməsi verməkdir. Bütün matçlarda bunu etməyə çalışıram.
- Legionerler yerli futbolculardan bir baş üstün olmalıdırlar. Bu səbəbdən də azarkeşlərin sizdən gözləntiləri böyükdür. Yəqin ki, bununla razılaşırsan.
- Düşünürəm ki, legionerlər və yerli oyunçular arasında böyük fərq yoxdur. Əcnəbilər taktiki cəhətdən və oyun təfəkküründə bir qədər fərqli oynaya bilər. Amma hamımız bir komandanın parçasıyıq və bizə verilən tapşırığa uyğun çıxış edirik. Azarkeşlər tək biz legionerlərdən yox, yerli futbolçulardan da çox şey gözləyirlər.
- “Kəpəz” qarşısına Avropa Liqasına düşmək vəzifəsi qoyub. Bu məqsədə çatmaq mümkün olacaq?
- Bəli, məncə, bu məqsədə çata bilərik. Çempionatın ikinci yarısı hələ qarşıdadır. Yerimizdən asılı olmayarq bizim də şansımız itirilməyib. Bunun üçün hər oyunda sona qədər döyüşəcəyik. Biz yenidən Avropa Liqasına getmək istəyirik.
- “Kəpəz”dən təklif olsa, daha bir il komandada qalmaq istəyərsən?
- Hazırda bunun haqqında çox düşünürəm, əlbəttə ki, əgər “Kəpəz” mənə yeni müqavilə təklif etsə, razılaşmaq olar. Dəvət olarsa, komandada qalmaq istəyərəm. “Kəpəz”i çox sevirəm.
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı
İndi ən vacib xəbərlər telefonunuza gələcək!
Finalda təkrarlanan 6-cı cüt
“Qarabağ” “Neftçi”yə çatdı
Azərbaycan kubokunda yeni rekord
"Barselona" Xavi ilə bağlı qərarı açıqladı
İtaliya kubokunda 2-ci finalçı da bilindi
"Liverpul"a çempionluq yolunda zərbə
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov