21.03.17
"Oyuna qədər mənə hər şeyin necə baş verəcəyini desəydilər, inanmazdım. Birinci hissənin ilk 15 dəqiqəsində çoxlu səhv etdik. Bundan başqa, rəqib yaxşı müdafiə olundu. Elə bil kimsə ayağımızdan tutmuşdu və bizi oynamağa qoymurdu".
Qol.az-ın Fransa mətbuatına istinadən yaydığı xəbərə görə, bu sözləri Fransa millisinin futbolçusu Dimitri Paye "Avro-2016"da Rumıniyaya 2:1 hesabı ilə qalib gəldikləri açılış matçından sonra deyib.
O, rəqibin onlara çətinlik yaratdığını bildirib:
"Çoxlu qol epizodları yaratsaq da, fərqlənə bilmirdik. Ancaq sonda qələbə qolunu vurmağı bacardıq. Bugünkü qalibiyyət yaxşı hazırlığımızın bəhrəsidir".
Komandasının qələbə qolunun müəllifi olan 29 yaşlı hücumçu azarkeşlərin dəstəyi ilə vacib 3 xal qazandıqlarını bildirib:
"İndi növbəti görüşə sakit hazırlaşmaq olar. 2-3 top fərqi ilə qalib gəlsəydik, öz gücümüz barədə yanlış təsəvvür yaranacaqdı. İndi isə əmin olduq ki, asan oyun olmur".
D.Paye bəzi insanların onun Fransa millisində oynamasını düşünmədiyini də söyləyib:
"Bəziləri komanda yoldaşlarımı çox tənqid etdi. Bu insanlar mənim Fransa millisində oynayacağımı düşünmürdülər. Ancaq mən buradayam və xoşbəxtəm. Özümü sübut etmək üçün əlimdən gələnin ən yaxşısını etmək istəyirəm".
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
