Azarkeşlərə kim “atdı”: Messi, yoxsa?

 Azarkeşlərə kim “atdı”: Messi, yoxsa?
XƏBƏR 9 İyul 2013 / 15:01 2520
-  A +

“Barselona”nın futbolçusu Lionel Messinin xeyriyyə məqsədi ilə təşkil etdiyi "Messi və dostları" adlı yoldaşlıq oyunları çərçivəsində Çikaqoda baş tutan sonuncu matçda narazılıq yaşanıb.

Qol.Azın eurosport.com-a istinadən verdiyi məlumata görə, qarşılaşmanı izləməyə gələn bir qrup azarkeş matçın təşkilatçısı "Numero 5" şirkətinin onları aldatdığını bildirib.

Sözügedən şirkət oyunu izləmək üçün hər birinin qiyməti 2500 dollar olan 80 ədəd VİP bilet satıb. Şirkət bu biletləri alan azarkeşlərə Messi tərəfindən imzalanmış forma və top veriləcəyini, həmçinin onları argentinalı ulduzla görüşdürəcəyini vəd edib. Lakin oyun bitən zaman azarkeşlərlə görüşə yalnız Amerikanın həvəskar futbolçuları gəlib. Messi isə qarşılaşmanın 68-ci dəqiqəsində əvəzlənərək istirahətə gedib.

Bu azmış kimi azarkeşlərə verilən forma və toplarda Messinin əllə imzasının olmadığı, üstəlik topların plastik olduğu üzə çıxıb.


Son xəbərlər
topaz banner