"Neftçi"nin rəqibini yaxından tanıyaq

"Neftçi"nin rəqibini yaxından tanıyaq
XƏBƏR 24 İyun 2013 / 16:00 4700
-  A +

"Neftçi"nin Çempionlar Liqasının I təsnifat mərhələsindəki rəqibi Albaniyanın "Skenderbeu" klubu 1909-cu ilin aprelin 15-də Korçe kəndində yaradılıb.

Qol.Az-ın məlumatına görə, klub evindəki matçları 12 min nəfərlik tamaşaçı tutumuna malik olan "Skenderbeu" stadionunda oynayır.

Bu klub Albaniyanın bütün dövrlərdə milli qəhrəmanı sayılan George Kastrioti Skanderbeqin şərəfinə belə adlanır. Alban təmsilçisinin əldə etdiyi uğurlara nəzər salsaq, klubun tarixində dörd dəfə - 1933, 2011, 2012, 2013-cü illərdə ölkə çempionatının qalibi olduğunu görərik. Lakin "Skenderbeu" ölkə kubokunda eyni uğuru əldə edə bilməyib. Belə ki, tarixində bircə dəfə də olsun bu kuboku qazana bilməyən "Skenderbeu" yalnız 1958, 1965 və 1976-ci illərdə finala vəsiqə qazanmaqla kifayənlənib.

Beynəlxalq turnirlərdə isə "Neftçi"nin rəqibi Çempionlar Liqasının 2011/2012 və son mövsümündə yalnız ikinci təsnifat mərhələsinə qədər yüksələ bilib. Ötən il komanda ikinci mərhələdə Macarıstanın "Debrenets" klubuna öz meydanında 1:0 hesabı ilə qalib gəlsə də, cavab matçında məğlub olaraq (0:3) mübarizəni dayandırıb.

Qeyd edək ki, klubun prezindenti Adrian Takay, baş məşqçisi isə Mirel Yosadır.


Son xəbərlər
topaz banner