Serqey Yuran millimizin bütün “sirrini” həmyerlilərinə açdı

Serqey Yuran millimizin bütün “sirrini” həmyerlilərinə açdı
ÖLKƏ FUTBOLU 15 Oktyabr 2012 / 17:45 2822
-  A +

“Azərbaycan millisi tipik cənub komandasıdır. Temperamentli, texniki cəhətdən gücü, yaxşı sürəti. Bununla bərabər, futbolçuları kifayət qədər intizamlıdı. Məşqçilərin tapşırıqlarını yerinə yetirirlər. Bunda ilk növbədə artıq 4 ildir ölkədə işləyən Berti Foqtsun rolu böyükdür”.

Bu sözləri Rusiyanın “Sport Ekspress” qəzetinə açıqlamasında Zaqatalanın “Simurq” klubunun sabiq baş məşqçisi Serqey Yuran deyib.

Rusiya millisinin sabiq üzvü həmyerlilərinin suallarını cavablandırarkən, millimizin bütün “sirr”lərini açıb ortaya qoyub. O, əvvəlcə komandamızın oyun sxeminə toxunub: “Azərbaycan yığması evdə və səfərdə tamamilə fərqli iki komandadır. Öz meydanlarında çox aktivdirlər, hücum futbolu oynayırlar. Əgər oyunları alınsa, çox böyük sürprizə imza ata bilərlər. Səfər qarşılamalarında isə 5-4-1 taktiki sxeminə üstünlük verirlər. Bu meydanın mərkəzində sıxlıq yaratmaq imkanı verir. İrəlidə 1 hücumçu saxlamaqla isə onlar rəqibin diqqətsizliyə yol verəcəyinə ümid edirlər”.

“Simurq” sabiq baş məşqçisi daha sonra hər şeyi detallarına kimi açıb: “Kamran Ağayev komandanın ən təcrübəli üzvüdü. Kifayət qədər stabil, yaxşı reaksiyası olan, etibarlı qapıçıdı. Sadəcə, çıxışda səhvlər edir. Cinah müdafiəçisi Maksim Medvedev sürətlidi, hücumlara qoşulmağı bacarır. Ümumiyyətlə, güclü müdafiəçidi. Müdafiənin mərkəzini adətən Rəşad Sadıqov və Vladimir Levin qoruyur. Hər ikisi güclü, hündür, başla yaxşı oynamağı bacarır. Standart vəziyyətlər zamanı tez-tez hücuma qoşulurlar. Ancaq əks-hücumlar zamanı heç də həmişə vaxtında öz mövqelərinə qayıda bilmirlər. Müdafiə xəttinə Ruslan Abışov və Əli Gökdəmir də kömək edir. Yarımmüdafiədə adətən Sükürov, Abışov, Əmirquliyev və Hüseynov çıxış edirlər.

Texnikalı, çalışqan və yaxşı ötürmə vermək bacarığına malik futbolçulardırlar. Topu itirən kimi müdafiənin köməyinə gəlirlər. Şans düşəndə uzaqdan zərbələr vururlar. Əmirquliyev adətən hücumçuların arxasında oynayır. O, rəqibin cərimə meydançasında çox təhlükəli olur, fərdi cəhətdən çox güclüdür, hücumları adətən o qurur. Hücumda adətən Özkara, ya da milliləşdirilmiş Subaşiç çıxış edir. Hər ikisi, çox təhlükəlidirlər, rəqibi aldatmaq bacarıqları var, qol duyumları yaxşı səviyyədədir. Amma heç biri onlara qarşı sərt və sıx oynayanda istədiklərini göstərə bilmirlər. Onlara azadlıq versək, çox təhlükəli olarlar”.


Buna baxmayaraq, Yuran sonra millimiz haqda xoş sözlər deyib: “Azərbaycanla heç bir oyunu, əsas da Bakıdakı qarşılaşmanı asan gəzinti hesab etmək olmaz. Onları hər an partlamağa qadir bombadır”

 

Daha çox


Son xəbərlər
topaz banner