Eli Qutman: "Azərbaycanla oyun asan olmayacaq"

Eli Qutman: "Azərbaycanla oyun asan olmayacaq"
ÖLKƏ FUTBOLU 6 Sentyabr 2012 / 19:43 2763
-  A +

"DÇ-2014"ün seçmə mərhələsi çərçivəsində sabah Bakıda millimizin qonağı olacaq İsrail yığmasının baş məşqçisi Eli Qutman bu gün mətbuat konfransı keçirib.

Qol.Az-ın məlumatına görə, Qutman oyunöncəsi jurnalistlərin suallarını cavablandırıb:


- İlk öncə sabahkı oyunla bağlı fikirlərinizi öyrənək...

- Sabah seçmə mərhələdə ilk oyunumuza çıxacağıq. Bakıya hazırlıqlı gəlmişik. Uğurlu nəticəyə və bunun ardını gələcəyinə inanıram.

- Oyundan öncə komandanın hazırlığının sistemli şəkildə olacağına söz vermişdiniz. Sizcə, buna nail olmusunuz?

- Bəli. hər şey istədiyimiz kimi oldu. Artıq oyuna tam hazırıq.

- Sabahkı oyunla bağlı Bakıda ciddi təhlükəsizlik tədbirləri görülür. Bu, futbolçulara nə dərəcədə təsir göstərəcək?

- Düşünürəm ki, heç bir təsiri yoxdur. İsrail millisinin futbolçuları peşəkar oyunçulardır. Onlar çıxıb öz oyunlarını oynayacaqlar.

- Komandanın aparıcı futbolçusu Yossi Benyaunun zədə səbəbi ilə sabahkı görüşdə oynamayacağı bildirilir...

- Bebyaun komandanın aparıcı futbolçusudur. Onun meydanda olması gənc futbolçulara əlavə stimul verir. Benayun zədəli deyil. Ancaq onun sabah meydana çıxıb-çıxmayacağı sual altındadır.

- Ölkənizdə İsrail millisinin Azərbaycan yığmasından güclü olduğu deyilir. Siz bu fikirlə razısınız?

- Xeyir. Mən bu fikirlər razı deyiləm. Azərbaycan yaxşı komandadır. Rəqibin yaxşı futbolçuları və baş məşqçiləri var. Bizi çətin oyun gözləyir. Azərbaycanla oyun asan keçməyəcək.

Daha çox


Son xəbərlər
22.12.25  18:07

Qallaher, yoxsa Neves?