20:47
Azərbaycan millisinin baş məşqçisi Berti Foqts noyabrın 17-də Çernoqoriya komandasına qarşı oynanılacaq yoxlama görüşü ərəfəsində Podqoritsa şəhərində mətbuat konfransı keçirib. Berti Foqts ilk öncə Azərbaycan xalqını Qurban bayramı münasibətilə təbrik edib: “Təəssüf ki, biz bu bayramı Bakıda yox, səfərdə keçiririk. Matça gəlincə, onu deyə bilərəm ki, uşaqların yaxşı oyun göstərmək üçün imkanı var. Komandamdan məhz bunu gözləyirəm. Biz daha güclü olduğumuzu göstərə bilərik”.
“Çernoqoriya adi rəqiblərdən deyil. Onlar AÇ-2012-nin seçmə mərhələsində, hətta İngiltərə kimi rəqibləri olmasına baxmayaraq, öz yarımqruplarına liderlik edirlər. Elə rəqibin heyətinə nəzər saldıqda da, çox şey aydın olur. Çernoqoriyalı futbolçular İtaliya, İspaniya, Portuqaliya, hətta Koreya kimi ölkələrin çempionatlarında top qovurlar. Ancaq hər şeyə rəğmən, biz yaxşı oyun göstərə bilərik” - deyə Berti vurğulayıb.
Daha sonra millimizin çalışdırıcısı Türkiyə ilə oyundakı uğurun davamının gətirilməsinin vacibliyini də qeyd edib: “Türkiyə üzərindəki qələbədən sonra oyunçularımız bir qədər zəifləyib. Daha çox məşq etmək lazımdır. Hətta qələbə qazanılan oyunlarda da səhvlər olur, onları aradan qaldırmaq lazımdır. Bəli, Türkiyə üzərində qələbə bizim üçün çox vacib idi. Ancaq qarşıda da bizi vacib oyun gözləyir. İndi komandamız öz oyununu daha da inkişaf etdirməlidir. Çernoqoriya millisinin çalışdırıcısı bizimlə oyunda gəncləri sınamağa çalışacaq. Onun komandasında olduğu kimi, bizim də böyük potensialımız var. Biz sabah Türkiyə ilə görüşdəkindən də yaxşı oynamalıyıq. Əsas istəyim budur”.
Sonda Berti Foqts bunları da vurğulayıb: “Bilirəm ki, 7 il öncə milliniz hansı nəticələr qazanıb. Lakin o zaman qalib gəldiyiniz, xal aldığınız rəqib Serbiya və Çernoqoriya idi, sabah isə biz Çernoqoriya ilə qarşılaşacağıq. Bəli, «Bakı» bu ölkənin klubuna qalib gəlmişdi. Ancaq gəlin görək, həmin klubdan hansı futbolçu yığmada varmı? Çernoqoriya və Azərbaycanın legionerlərini də müqayisə edə bilərsiz. Onu da unutmayın ki, azərbaycanlılar həmişə təzyiq altında oynayırlar” (azerisport.az).
"Barselona"dan "Braqa"ya - Rəsmi
Saul Niqes yeni klubu ilə müqavilə bağladı
Kunde 2030-cu ilə qədər "Barselona"da
Səbayıl "Səbail"ə keçdi
"Kəpəz" futbolçusunu icarəyə göndərdi
"Mançester Siti" yeni qapıçı aldı
"Turan Tovuz"dan ayrılan futbolçunun yeni klubu bilindi
“Qəbələ”dən 1-ci liqa klubuna
Məşhur futbolçu ilə müqavilə ləğv edildi
Azərbaycan güəşçiləri dünya çempionatına yollanır
"Milan"ın yeni sarı formaları - Şəkillər
"Arsenal" Qyökereş işini bitirdi
Tovuz şəhər stadionunda işlərə start verildi - Şəkillər
"Neftçi" legioneri ilə vidalaşdı
"Qəbələ"dən ayrılan futbolçu "Karvan"da
Rahil Məmmədov "Araz-Naxçıvan"da - Rəsmi
Pirlonun yeni klubu məlum oldu
Azərbaycan klubunda 3 ayrılıq
MEDİA qalib jurnalistlərin adlarını açıqladı - Siyahı
"Turan Tovuz"un "Traktor"la oyunu ləğv olundu
"Sumqayıt"ın rəqibləri müəyyənləşdi
"Ən güclü rəqib "Araz-Naxçıvan"a düşüb" - Zaur Axundov
Cəlal Hüseynov Konfrans Liqasında meydana çıxdı
Rəqib komandanın əlini sıxmadılar - Qalmaqal olay
Patrik Andrade: “Qolum baxımlı alındı”
