"Qəbələ"nin məşqçisi: “Xəzər Lənkəran” üzərində qələbəyə layiq idik”

“Cari mövsümdə bizim ilk  matçımız səfərdə “Xəzər Lənkəran” qarşı olmuşdu və biz meydançadan 0:1 məğlub ayrılmışdıq. Futbolçularımız bu məğlubiyyətin cavabını  vermək üçün  qol vurmaq lazım olduğunu bilirdilər, ancaq buna baxmayaraq mən onlardan hər zaman  əlavə motivasiya yaradan revanş sözünü eşitmədim. Şənbə günü aldığımız qalibiyyətə sonuna qədər layiq idik. Komandamız böyük əzmkarlıq göstərdi və bunun nəticəsində də bir neçə dəfə effektiv ötürmələdən sonra  qol şansları yarada bildik”. Qol.Az-ın məlumatına görə, bu sözləri “Qəbələ”nin baş məşqçisi Toni Adamsın əsas köməkçilərindən olan Qari Stivens söyləyib.
O, klubun rəsmi saytına açıqlamasında son turun “Xəzər Lənkəran” üzərindəki minimal hesablı qələbə ilə başa çatan oyununu belə analiz edib: “Oyuna qədər, biz Qoqa Berayanı itirmişdik. Təəsüf ki o məşq vaxtı zədə almışdı. Ümumiyyətlə Qoqanın ötən mövsümün sonunda “İnter”ə qarşı oyunda zədələndikdən sonra bəxti gətirmir. Zədələr onun iyul və avqustta mövsüm öncəsi məşqlərdə iştirak etməsinə mane oldu. Bu isə onun bu mövsüm də zədələrdən əziyyət çəkməsinə səbəb olur.
Bir  futbolçumuzun şanssızlığığı digəri üçün fürsət oldu və Abdulkader Kamara heyətə - orta sahədəki  mövqeyinə geri qayıtdı. İlk “11-lik”də yer almadığı vaxtlar onun məşqlərdəki davranışı yüksək səviiyyədə idi. Bütün  bunlardan başqa onun fiziki hazırlığının əla səviyyədə olduğunu qeyd etmək lazımdır. Oyun vaxtı Kamara meydançanın böyük bir hissəsini hücumlardan qorumaqla yanaşı, bütün təkbətək mübarizələrdən də qalib çıxdı.
Biz oyuna sürtəli başlayıb “Xəzər Lənkaran”ı təzyiq altına salaraq öz müdafiə zonalarına həbs etmək və mümkünsə erkən qol vurmaq istəyirdik. Bunun üçün 35 dəqiqə gözləməli olduq. Silvanın künc zərbəsindən verdiyi  ötürməni Lyuba Baranin başıyla çərçivəyə göndərdi.
Biz  oyunun necə qurulacağını oyun öncəsi məşqlərdə dəfəllərlə güstəririk, oyun günü soyunub geyinmə otağında bir daha lövhədə təkrar edirik. Ona görə də meydançada futbolçular arasında anlaşmazlıq yaşanmır. Hamı öz vəzifəsini və öhdəliyini yaxşı bilir. Ancaq hücumlarımızı qurarkən mütləq qeyd olunan plana sadiq qalmaq vacib deyil. Əgər başqa yollar varsa futbolçularımızı yaradıcı olmağa həvəsləndirik.
Bizim müdafiə xəttimizin göstəriciləri yüksək səviyyədədir. Belə ki, biz artıq beş oyundur ki qapımızda qol  görmürük. Bu  əslində yalnız müdafiəçilərin deyil bütün komandanın uğurudur. Çünkü top rəqibə keçdikdə biz bütün komanda ilə müdafiə olunuruq. Ancaq burada əsas payın qapıçımızın olduğunu qeyd etmək lazımdır. Paşa davamlı olaraq rəqibin qol epizodlarını mükəmməl şəkildə dəf edir və Lənkəran təmsilçisi ilə görüşdə rəqibin bir hücumu zamanı komandamızı ard-arda iki epizodda yüz faizlik qoldan xilas etməsi sözün əsl mənasında möhtəşəm idi.
İkinci hissədə “Xəzər Lənkəran”ın komandamızı təzyiq altında saxlayacağı bəlli idi və həqiqətən də zaman-zaman rəqib bu istəyini reallaşdırdı. Biz komanda şəklində və fərdi mübarizələrdə üstün tərəf olmalı idik və futbolçular bu yöndə tapşırıqlarımızı yerinə yetirdilər. Hətta əks hücumlarda ikinci qolu vuraraq matçdakı gərginliyi aradan qaldırmaq şanslarımız da oldu.
Futbol kollektiv oyundur və biz də həmişə olduğu kimi hər üç dəyişiklik şansımızdan istifadə etdik. Təəssüf ki, ilk olaraq Branimir Subaşiç zədə səbəbi ilə meydançanı tərk etdi və onu Arif İsayevlə əvəzlədik. Nodar da zədədən əziyyət çəkirdi və məhz artan ağrılara görə onu Yaşar Abuzərovla dəyişdik. Terri Kuku isə Torresin əvəzinə matçın sonlarına yaxın yeni nəfəs olaraq döyüşə atdıq.
Ümid edirik ki, Çernoqoriya ilə yoldaşlıq matçı üçün Azərbaycan milli komandasına çağırılan Branimirin zədəsi ciddi olmayacaq. Komandamız yüksələn oyun qrafikini davam etdirir və artıq bizi Bakıya aparan “İnter” və “Neftçi” matçlarına diqqətimizi yönəltməliyik. Bu mövsüm hər iki rəqibimiz Qəbələdə komandamızı məğlub edib, deməli oyunçularımız əzmkar oyununu yenidən göstərməlidirlər”.