Rəşad Sadıqov “Ankaragücü” ilə oyunun start heyətində

ÖLKƏ FUTBOLU 29 Oktyabr 2010 / 17:04 2820
-  A +

Həmyerlimiz Rəşad Sadıqovun da forma geydiyi “Eskişəhərspor” klubu Türkiyə Super Liqasının növbəti turu çərçivəsində sabah “Ankaragücü” ilə qarşılaşacaq. Qol.Az-ın məlumatına görə, millimizin əsas futbolçusu olan Rəşadın bu oyunda da əsas heyətdə meydana çıxacağı gözlənilir. Yeni baş məşqçi Bülənt Uyğunun komandaya gəlməsindən sonra daha inamlı təsir bağışlayan “Eskişəhərspor” Superliqanın son turunda “Karabükspor”u 2:1 hesabı ilə məğlub edərək turnir cədvəlinin 13-cü pilləsinə yüksəlib. Təbii ki, “Eskişəhərspor” bu uğurun davamını gətirmək üçün sabahkı oyunda da qalib gəlməyə çalışacaq.
Bu arada artıq komandanın təxmini heyəti də açıqlanıb. Qardaş ölkədən olan həmkarlarımız kubok matçında forma geyməyən millimizin kapıtanının da bu qarşılaşmada start heyətində yer alacağını yazırlar:
İveşa- Koray, Sadıqov, Nadareviç, Volkan- Erkan, Pele, Doğa, Sezər, Batuhan və Ümit Karan. Qeyd edək ki, Eskişəhər Atatürk Stadionunda keçiriləcək “Eskişəhərspor” - “Ankaragücü” oyunu sabah yerli vaxtla saat 17:30-da (Bakı vaxtı ilə 19:30) başlayacaq.

Daha çox


Son xəbərlər
17.12.25  15:40

Levandovski MLS yolunda