Hiddink millimizin digər rəqiblərdən də xal almasını istəyir

Hiddink millimizin digər rəqiblərdən də xal almasını istəyir
ÖLKƏ FUTBOLU 13 Oktyabr 2010 / 00:55 2729
-  A +

“Türkiyə millisinin azarkeşlərinin məyus olduğunu anlamaq çətin deyil. Bu günkü oyunun ilk yarısında yaxşı oynamadıq. Amma imkanlarımız oldu. Onlardan ən azı birini dəyərləndirsəydik, oyunun gedişi tam fərqli ola bilərdi. Təbii ki, pis bir nəticədir. Razı qaldığımı deyə bilmərəm”. Qol.Az-ın məlumatına görə, bu sözləri Türkiyə yığmasının baş məşqçisi Qus Hidink söyləyib.
Bu gün AÇ-2012-nin seçmə mərhələsi çərçivəsində Bakıda yığmamızın qonağı olan və minimal hesablıq məğlubiyyətlə barışan “ay-ulduzlular”ın hollandiyalı çalışdırıcısı oyundan sonrakı mətbuat konfransında özləri ilə müqayisədə rəqib həmkarı Berti Foqtsun komandasının oyuna daha yaxşı kökləndiyini etiraf edib: “Qol epizodunda künc zərbəsindən gələn top üç dəfə futbolçularımızı aldatdı. Standard vəziyyətlərdə daha diqqətli olmalı idik. Amma bunu bacarmadıq. Oyuna köklənməklə bağlı problemimiz var idi. Rəqib də isə əksinə, oyuna daha yaxşı köklənmişdilər. Xüsusi bir mesajım yoxdur. Qarışıq duyğular keçirirəm”.
Millimizə yenilginin ardından Hiddink artıq Türkiyənin taleyinin öz əlində olmadığını bildirib: “Təbii ki, hər şeyin öz əlimizdə olmasını istərdik. Ancaq bu, olmadı. Artıq taleyimiz digər matçlardan aslıdır. Bu yolda Azərbaycan yığmasının qarşıdakı oyunlarda da sürpriz edib, rəqiblərimizdən xal alması məni çox sevindirər”.


Son xəbərlər
24.07.25  12:54

"Barselona"dan "Roma"ya