Yığmamızdan Türkiyə üzərində sensasion qələbə (YENİLƏNİB)

Bu gün Azərbaycan millisi AÇ-2012-nin seçmə mərhələsində 3-cü oyununa çıxıb. Qol.Az-ın məlumatına görə, Berti Foqtsun çalışdırdığı əsas komandamız həm də bu seçmə mərhələdə ilk ev oyunu keçirib. Millimizin rəqibi isə son Avropa çempionatının bürünc mükafatçısı – qardaş Türkiyə yığması idi. Qeyd edək ki, bu, komandamızın “ay-ulduzlular”la 6-cı qarşılaşmasıydı. Bu günədək iki qardaş ölkə yığması 3 dəfə yoldaşlıq, 2 dəfə isə rəsmi oyunlarda münasibətlərinə aydınlıq gətirmək imkanı qazanmışdılar. Bu matçlardan 4-də türkiyəlilər qələbə qazandığı halda, bir qarşılaşma da heç-heçə nəticələnmişdi. Yığmamız həmin oyunlardan yalnız birində “ay-ulduzlular”ın qapısına yol tapdığı halda, öz qapısından 8 top çıxarmışdı. Göründüyü kimi, qardaş ölkə təmsilçisiylə oyunlarda ciddi sindromu olan təmsilçimiz nəhayət bu dəfə uğursuz sindroma son qoymalı və bu rəqibi üzərində ilk qələbəsini qazanmalıydı. Belə olacağı halda həm də Foqts azərbaycanlı futbolsevərlərin gözü qarşısında ilk qələbəsini rəsmiləşdirmiş olacaqdı. Nə qədər maraqlı olsa da, debüt matçı 2008-ci il iyunun 1-də Bosniya və Herseqovina ilə görüşdə gerçəkləşən almaniyalı mütəxəssis komandamızla bu şərəfə nail ola bilməmişdi. Azərbaycanla 31-ci oyununa çıxan Foqts baş məşqçi postundaki əvvəlki oyunlardan 6-da qələbə qazanıb, 9 heç-heçəylə kifayətləndiyi halda, 15 dəfə məğlubiyyətə üzülmüşdü. Yığmamız son ev qələbəsini isə 2007-ci ildə Finlandiya ilə Bakıdakı görüşdə qazanmışdı – 1:0. Çoxları 4 gün öncə Almaniyaya yenilən "ay-ulduzlular"ın bu dəfəki Bakı səfərindən də qələbəylə dönəcəyini düşünsə də, əski oldu. Komandamız daha inamlı oyun sərgiləməklə, müəyyən mənada senasion qələbəyə imza atdı.

AÇ-2012-nin seçmə mərhələsi
12 oktyabr

20:00. Azərbaycan – Türkiyə - 1:0

QOL: Rəşad Sadıqov, 39.
Hakimlər: Aleksandru Dyakonu, Adrian Vidan, Radu Ginquleaç, Sebastyan Koltesku (hamısı Rumıniya).
Hakim-inspektor: Con Varda (İralndiya)
UEFA nümayəndəsi: Neboyşa İvkoviç (Serbiya)
Bakı. Tofiq Bəhramov adına Respublika stadionu.

AZƏRBAYCAN: 1. Kamran Ağayev, 2. Rail Məlikov, 14. Rəşad Sadıqov (k), 3. Saşa Yunisoğlu, 4. Elnur Allahverdiyev, 15. Ruslan Abuşov, 19. Rahid Əmirquliyev, 4. Mahir Şükürov, 17. Vüqar Nadirov, Vaqif Cavadov, 21. Fərid Quliyev
Ehtiyat oyunçular: 12. Fərhad Vəliyev, 6. Rəşad Sadiqov, 8. Aleksandr Çertoqanov, 11. Rauf Əliyev, 13. Vurğun Hüseynov, 16. Cavid Hüseynov, 22. Araz Abdullayev.
Baş məşqçi: Berti Foqts.
TÜRKİYƏ: 1. Volkan Dəmirəl, 2. Sərvət Çətin, 3. Hakan Balta, 5. Əmrə Belözoğlu (k), 6. Hamit Altıntop, 7. Gökham Gönül, 9. Semih Şentürk, 10. Tuncay Şanlı, 14. Özər Hurmaçı, 18. Səlcuk İnan, 19. İbrahim Toraman.
Ehtiyat oyunçular: 12. Hakan Arıkan, 4. Ömer Erdoğan, 8. Nihat Kahveçi, 17. Sercan Yıldırım, 20. Nuri Şahin, 21. Halil Altıntop, 22. Səbri Sarıoğlu.
Baş məşqçi: Qus Hiddink.

Oyun başladı. Milli komandamıza uğurlar arzulayırıq!

4. Yığmamız standart vəziyyətdən rəqib qapısı qarşısında təhlükə yaratmağa çalışsa da, Sərvət topu kornerə çıxardı

6. Komandamız sağ cinahdan təhlükəli hücum təşkil etsə də, yenə rəqib müdafiəçilər topu kornerə çıxarmaqla, qola icazə vermirlər

7. Əmrənin kobudluğu. Hakim cərimə zərbəsi təyin edir. Mahirin zərbəsi yan keçir

8. Tuncayın sağ cinahdan təhlükəli asmasını son anda müdafiəçilərimiz başla uzaqlaşdırır

9. Müdafiədən atılan uzun ötürmə nəticəsində Cavadov qapıçıyla üz-üzə qalır. Lakin irəli çıxan Volkan həmyerlimizin fərqlənməsinə imkan vermir

Komandalar hazırda daha çox meydanın mərkəzində mövqe mübarizəsinə üstünlük verir

15. Gökhanın sağdan asmasını son anda Kamran zərərsizləşdirir

17. Komandamız üçün daha bir standart vəziyyətdən fərqlənmək şansı. Bu dəfə Sadıqov bəxtini sınayır. Lakin onun da zərbəsi yan keçir

18. Matçda daha bir yüzfaizli qol imkanı. Bu dəfə türklər Həmitin sayəsində qola yaxın oldu. Lakin Altıntopun zərbəsi nəticəsində top tirdən döndü

21. Müdafiəçilərimizin kobud səhvindən sonra az qala Gökhan hesabı açacaqdı. Son anda hər şey millimiz üçün yaxşı qurtardı

26. Türkiyə millisinin üzvləri mükəmməl divar ötürmələriylə komandamızın müdafiəsini yarsa da, Həmitin yaxın məsafədən həlledici zərbəsini Kamran inanılmaz reaksiya ilə geri qaytardı

"Ay-ulduzlular" komandamıza nisbətən daha kəsərli hücumlar təşkil edir. Futbolçularımız isə daha çox ötürmələrdəki səhvləri və tələskənliyi ilə seçilirlər

35. Türklər yenidən fərqlənməyə yaxın idi. Müdafiəçilərimizin arxasına atılan topu Gökhan tora qovuşdurmaq istəsə də, son anda Kamran qola imkan vermədi

37. Sərvətdən ardıcıl iki zərbə. Birincidə Kamran topu kornerə çıxarır. Digərində qapıçımız topu tutmağı bacarır

39. QOOOOOOOOOOOOOOOOOOLLL. Millimizin ənənəvi künc zərbəsi vuruşu. Futbolçularımızın bir neçəsi topu buraxdıqdan sonra kapitan Rəşadın vuruşu həlledici oldu və Volkan komandasını qoldan xilas edə bilmədi – 1:0

43. Nadirovun uzaqdan zərbəsindən sonra Volkan az qala səhvə yol verəcəkdi. Lakin son anda qapıçı topa yiyələnə bildi

44. Rail ciddi zədə alıb. Həkimlər ona ilk yardım etmək üçün meydana çıxıb. Oyunda qısa fasilə yaranıb

İlk yarıya 2 dəqiqə əlavə olundu

45+2. Rail oyuna davam edə bilmir. Foqts məcburi əvəzləməyə əl atdı. Onun əvəzində meydana Aleksandr Çertoqanov daxil oldu

Birinci hissə başa çatdı

İkinci hissə başladı

46. Türkiyə millisində də ilk əvəzləmə gerkəçləşir. Hiddink ikinci hissənin startında Özerin əvəzində meydana Nihatı buraxır

50. Oyuna yenicə daxil olan Nihat uzaqdan zərbəylə qapıya zərbə endirsə də, dəqiq olmur

51. Nihat bu dəfə bir qədər də uzaq məsafədən yenə Kamranın sayıqlığını yoxlamaq istəyir, top yandan çölə çıxır

54. İnanılmaz bir qol epizodunu əldən buraxırıq. Nadirovun sol cinahdan cərimə meydançasına asmasını Çertoqanov az qala tora qovuşdurmağa yaxın idi. Lakin son anda Volkan qapı xətti üzərində barmaqlarının ucuyla topu kornerə çıxarır

Komandamız ikinci hissəyə daha fəal başlayıb. Futbolçularımız xüsusilə təhlükəli əks-hücumlarla rəqibə çətin anlar yaşadırlar

58. Mahir Şükürov lazımsız yerə Hakan Baltayla mübahisəyə girişir, gərginlik yaranır

59. Matçın baş hakim Mahirlə Hakana sarı vərəqə göstərir

60. Rahid Əmirquliyev əllə oyuna görə sarı vərəqə ilə cəzalanır

62. Tuncayın əvəzində Sercan oyuna daxil olur

70. Kamran qapımız qapşısında yaranan təhlükəli vəziyyətə topu tutmaqla son qoyur

71. Fərid Quliyevi Rauf Əliyev əvəzləyir

73. Nihatın sağ cinahdan iti ötürməsini Kamran tutur

75. Təhlükəli nöqtədə Rauf kobud oynayır. Cərimə zərbəsini Kamran dəf edir

77. Komandamız inanılmaz qol epizodunu əldən verir. Vaqifin uzaqdan qüvvətli zərbəsini Volkan çətinliklə geri qaytarır. Ruslan təkrar zərbəylə topu tora qovuşdurmağa borclu olsa da, zərbəsi yandan çölə çıxır. Halbuki o, boş mövqedə olan Vaqifə ötürmə verməklə onun da fərqlənməsinə şərait yarada bilərdi

80. Kamran sarı vərəqə alır

82. Selcuk İnanı Xəlil Altıntop əvəzlədi

83. Gökhanın sağ cinahdan asmasını Sərvət başla tora qovuşdurmaq istəsə də, zərbəsi üstdən keçdi

84. Qapımız qarşısında çox ciddi təhlükə. Kamran topa yiyələnə bilməyincə, rəqib futbolçular qapını yaxın məsafədən bir neçə dəfə nişan alsa da, hər dəfə top müdafiəçilərimizə dəyib geri qayıdır

85. Vaqifin əvəzində meydana Vurğun Hüseynov çıxdı

86. Çertoqanov sarı vərəqə alır

Matç millimizin qələbəsiylə başa çatdı