“Albanların Bakıya göndərdiyimiz hakimlərdən narazı qalmasından xəbərdaram. FİFA referisi Laşa Silaqavanın 32 yaşı olmasına baxmayaraq, beynəlxalq oyun təcrübəsi böyükdür. O, qərəzli, meydan sahiblərinə tərəfkeşlik edən hakim deyil”. Bu fikirləri Gürcüstan Futbol Federasiyasının Hakimlər Komitəsinin sədri Amiran Kaçaxidze deyib.
Məlum olduğu kimi, Albaniya yığması Azərbaycanla yoldaşlıq görüşünü (1:1) idarə edən gürcü hakimlərdən ciddi narazı qalıb. Qapılarına ofsayddan qol vurulduğunu iddia edən albanlar 44-cü dəqiqədə futbolçusuna qırmızı vərəqə göstərilməsinə etiraz əlaməti olaraq meydana çıxmaq istəməyiblər. Bu, görüşün ikinci hissəsinin 12 dəqiqə gec başlanması ilə nəticələnib. Kaçaxidze deyib ki, baş verənlər haqda azərbaycanlı həmkarından məlumat alıb: “AFFA-dakı həmkarım Xaqani Məmmədovla telefon söhbətim oldu. O, hakimliklə bağlı ciddi problemin olmadığını dedi. Vaxtilə hakim-köməkçisi kimi iş başında olan Silaqava 2005-ci ildən FİFA hakimidir. İndiyədək ölkə çempionatında bir sıra məsul oyunları idarə edib. FİFA və UEFA bayrağı altında keçirilən görüşlərə də təyinat alan Laşanın idarəçiliyi bir qayda olaraq 8,2, 8,4 balla qiymətləndirilib. Bir sözlə, hakimimizlə bağlı indiyədək ciddi problem ortaya çıxmayıb. Silaqava sabit, prinsipial hakimdir”.
Həmyerlilərinin cəzalanacağından narahat olmayan Kaçaxidze məsələnin bu həddə gəlib çıxmayacağını düşünür. Silaqavanın başçılıq etdiyi briqadanın hələ geri qayıtmadığını deyən 54 yaşlı komitə rəhbəri onların fikir bildirməsinə qarşı çıxır: “FİFA və UEFA-nın qaydalarına görə, hakimlərin oyun haqda danışması, şərh verməyə ixtiyarı yoxdur. Albanlar hara istəyirlərsə, şikayət edə bilərlər, bu, onların öz işidir. Ancaq elə düşünmürəm ki, məsələ beynəlxalq futbol qurumlarının hakimimizi cəzalandırması ilə nəticələnəcək. Bu, bir yoldaşlıq görüşü idi və hakim də insandır, səhv edə bilər. Ancaq əsas onun bunu qəsdən etməməyidir. Bir də ki komanda istəyinə çatmayanda, günahı hakimin üzərinə atır. Bu, gözlənilən bir şeydir”.
Mənbə: APA-Sport
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı
İndi ən vacib xəbərlər telefonunuza gələcək!
Finalda təkrarlanan 6-cı cüt
“Qarabağ” “Neftçi”yə çatdı
Azərbaycan kubokunda yeni rekord
"Barselona" Xavi ilə bağlı qərarı açıqladı
İtaliya kubokunda 2-ci finalçı da bilindi
"Liverpul"a çempionluq yolunda zərbə
Yurgen Kloppu Arne Slot əvəzləyə bilər