Üç güləşçimiz Avropa çempionatının finalında - Yenilənib

Bu gün Rumıniyanın paytaxtı Buxarestdə güləş üzrə Avropa çempionatı start götürüb.

Qol.az xəbər verir ki, yarışın ilk günündə 57, 65, 70, 79 və 97 kq-da çıxış edən sərbəst güləşçilər mübarizəyə başlayıblar.

65 kiloda mübarizə aparan üçqat dünya, ikiqat Avropa çempionu Hacı Əliyev təsnifat mərhələsində əvvəlcə belaruslu Hüseyn Şaxbanovu, daha sonra - 1/8 finalda Ermənistan təmsilçisi Vazgen Tevanyanı məğlub edərək 1/4 finala yüksəlib. O, bu mərhələdə rusiyalı Naçin Kuları üstələyərək yarımfinala yüksəlib. Güləşçimiz 1/2 finalda Maksim Sakultan (Moldova) məğlub edərək (12:2) finala çıxıb.
O, finalda Selahəttin Kılıcsallayanla  (Türkiyə) qarşılaşacaq.

70 kq.da yarışan Ağahüseyn Mustafayev isə təsnifat mərhələsində Məhəmmədrəsul Qazıməhəmmədovu (Rusiya) 5:3, 1/4 finalda başqa bir Ermənistan güləşçisi David Safaryanı 12:2 hesabı ilə məğlub edərək yarımfinala yüksəlib. O, bu mərhələdə Nikolae Koyokaruya (Almaniya) qalib gəlib - 6:0. Güləşçimiz finalda Mustafa Kaya (Türkiyə) ilə qarşılaşacaq.

79 kiloda güləşən Cəbrayıl Həsənov təsnifat mərhələsində Nika Kentçadze (Gürcüstan), 1/4 finalda isə almaniyalı Franko Mario Buettneri məğlub edərək yarımfinala yüksəlib. O, bu mərhələdə Andrey Karpaçla (Belarus) qarşılaşıb və qalib gələrək finala çıxıb. Həsənov həlledici görüşdə Ahmed Hacımaqomedovla (Rusiya) üz-üzə gələcək.

57 kqda Mahir Əmiraslanov startda Moldova təmsilçisinə qalib gəlsə də, 1/4 finalda Türkiyə güləşçisinə uduzub. Ancaq rəqib finala yüksəldiyindən həmyerlimiz təsəlliverici görüşə çıxacaq.

Püşkdə bəxti gətirməyən Nurməhəmməd Hacıyev ( 97 kq) startda olimpiya, dünya və Avropa çempionu Abdulrəşid Sadullayevlə qarşılaşıb və uduzub. Ancaq titullu rəqib finaladək irəlilədiyi üçün Hacıyev  təsəlliverici görüşə çıxacaq.


Qeyd edək ki, final  və təsəlliverici görüşləri sabah keçiriləcək.

57 kq

1/8 final mərhələsi

Mahir Əmiraslanov - Aleksandru Kirtoaka (Rumıniya) - 9:7

1/4 final

Mahir Əmiraslanov - Süleyman Atlı (Türkiyə) - 3:6

Təsəlliverici görüş

Mahir Əmiraslanov - Zuheyir Əl Oraj (Fransa)


65 kq

Təsnifat mərhələsi

Hacı Əliyev - Hüseyn Şaxbanov (Belarus) - 7:2

1/8 final

Hacı Əliyev - Vazgen Tevanyan (Ermənistan) - 1:0

1/4 final

Hacı Əliyev - Naçin Kular (Rusiya) - 5:3

1/2 final

Hacı Əliyev - Maksim Sakultan (Moldova)

Final

Hacı Əliyev - Selahəttin Kılıcsallayan  (Türkiyə)

70 kq

Təsnifat mərhələsi

Ağahüseyn Mustafayev - Məhəmmədrəsul Qazıməhəmmədov (Rusiya) - 5:3

1/4 final

Ağahüseyn Mustafayev - David Safaryan (Ermənistan) - 12:2

1/2 final

Ağahüseyn Mustafayev - Nikolae Koyokaru (Böyük Britaniya) - 6:0

Final

Ağahüseyn Mustafayev - Mustafa Kaya (Türkiyə)


79 kq

Təsnifat mərhələsi

Cəbrayıl Həsənov - Nika Kentçadze (Gürcüstan) - 6:5

1/4 final

Cəbrayıl Həsənov - Franko Mario Buettner (Almaniya) - 12:1

1/2 final

Cəbrayıl Həsənov - Andrey Karpaç (Belarus) - 9:4

Final

Cəbrayıl Həsənov - Ahmed Hacımaqomedov (Rusiya)

97 kq

1/8 final mərhələsi

Nurməhəmməd Hacıyev - Abdulrəşid Sadullayev (Rusiya) - 0:3

 Təsəlliverici görüş

Nurməhəmməd Hacıyev - Gennadi Kudinoviç (Almaniya)