22:09
"Komanda bir araya gələndən sonra başa çatan müqavilələrin uzadılması ilə bağlı futbolçularla danışıq aparacağıq".
Bu fikirləri "Qəbələ"nin baş meneceri Zaur Əzizov mayın sonunda müqaviləsi başa çatacaq futbolçuların gələcəyi barədə danışarkən deyib.
Klub rəsmisi bildirib ki, qeyri-müəyyənlik şəraitində nə isə deməyin mənası yoxdur: "Fasilənin nə qədər davam edəcəyi, çempionatın nə vaxt başa çatacağı bilinmir. Bu məsələlərə aydınlıq gələndən sonra söhbət edə bilərik".
Əyalət təmsilçisində əksər futbolçuların müqavilələri mövsümün sonuna qədərdir. Z.Əzizov buna baxmayaraq, çempionatı hazırkı heyətlə başa vurmağı düşündüklərini vurğulayıb: "Kimin fərqli düşüncəsi olacaqsa, hansı oyunçu ilə ortaq məxrəcə gələ bilməyəcəyiksə, həmin futbolçularla yollar ayrılacaq. Burada artıq edə biləcəyimiz bir şey yoxdur. Amma, təbii ki, futbolçu başqa kluba da keçə bilməyəcək. "Pəncərə" onsuz da bağlı olacaq".
Baş menecer futbolçuların maaşlarının azaldılması ilə bağlı məsələyə də toxunub: "Koronavirus pandemiyasının klubun büdcəsinə müəyyən təsiri var. Lakin çempionatla bağlı qərar qəbul olunmamış fikir bildirmək çətindir. Yalnız hər şey dəqiqləşəndən sonra maaş məsələsinə aydınlıq gələcək. Büdcəmizə uyğun hərəkət edəcək, mövsümü başa çatdırmağa çalışacağıq".
Z.Əzizov koronavirusla bağlı martın sonlarında ölkəsinə yollanan ispaniyalı yarımmüdafiəçi Fernan Lopeslə əlaqədə olduqlarını söyləyib: "Fernanla danışırıq. İspaniyada evindədir. Sərhədlər açılmadığından, onun qayıtması ilə bağlı müzakirə yoxdur".
Qeyd edək ki, Azərbaycan Premyer Liqası və I Divizionda cari mövsüm martın 13-dən dayandırılıb (Report).
"Liverpul"la razılaşdı
"Real"dan Alaba qərarı
"Neftçi" yeni ev formalarını təqdim etdi - Şəkillər
"Mingəçevir" yeni transferini açıqladı
"Rəqibi ciddi şəkildə təhlil etmişik" - Valdas Dambrauskas
VAR qaydalarında dəyişiklik ola bilər
"Sumqayıt"dan yeni transfer - Rəsmi
"Zirə" Türkiyə klubuna qalib gəldi
İspaniya nəhəngi onun transferini açıqladı
"İnter Mayami" "Atletiko" ilə razılaşdı
Sabiq baş məşqçi "Karvan"ın vitse-prezidenti oldu
“Qəbələ” üçün əlimdən gələni edəcəyəm"
"Latsio" azarkeşlərindən kütləvi etiraz aksiyası
10 illik dövr başa çatdı - "Real"dan getdi
"Qarabağ" qrup mərhələsində son matçına çıxdı
