20:28
Azəbaycan milli komandası tarixinin ən pis göstəricisini təkrarlamağa yaxındır.
Qol.az xəbər verir ki, “Avro-2020”nin qrup mərhələsinin son turunda millimiz noyabrın 19-u Slovakiya ilə səfər matçında da uduzsa, qrupu sonuncu yerdə və cəmi 1 xalla başa vuracaq. Bu halda “Avro-1996”nın seçmə mərhələsində (1994/95 mövsümü) qeydə alnan millimizin antirekordu təkrarlanmış olacaq.
Xatırladaq ki, o vaxt komandamıza Ağasəlim Mircavadov, AFFA-ya isə Fuad Musayev rəhbərlik edirdi. Həmin seçmə mərhələdə Azərbaycan millisi ilə ilk dəfə beynəlxalq turnirə qatılırdı. Ölkədə, həm də futbolda iqtisadi vəziyyətin çox ağır durumda olduğu həmin dönəmdə belə göstərici hardasa başa düşülən idi. Həmin vaxtdan 24 il ötüb. 
İndi Azərbaycan artıq siyasi və iqtisadi baxımdan çox güclənib. Bunun nəticəsidir ki, dövlət səviyyəsində futbolun inkişafına da diqqət yetirilir. Bu məqsədlə SOCAR-dan milli federasiyaya hər il 20 milyondan çox sponsorluq vəsaiti ayrılır. Amma milli komandamız uğurlu nəticələr göstərmək əvəzinə yenə də geriləyir. Bu mənada, komandamızın 7 oyundan cəmi 1 xal qazanması haqlı olaraq təəccüb və təəssüf doğurur. Hər il futbola dövlət tərəfindən bu qədər dəstək göstərildiyi halda futbol federasiyasının yarıtmaz idarəçiliyi ona gətirib çıxarıb ki, bizim milli yenə də tarixinin ən pis dövrünə qayıtmalı olub. Niyə? AFFA rəhbərliyi, baş katib Elxan Məmmədov ictimaiyyət qarşısına çıxıb bu və bu kimi digər suallara cavab vermək əvəzinə isə hər dəfə müxtəlif bəhanələrlə jurnalistlərdən qaçır....
Xatırladaq ki, dünən milli komandamızın Bakıda Uelsə 0:2 hesabı ilə uduzduqdan sonra qrupu ən yaxşı halda 4, ən pis halda isə 1 xalla başa vuracacağı qətiləşib. Bunun üçün isə biz Slovakiya ilə qarşıdakı matçı gözləməliyik. Əlavə edək ki, Slovakiyanın “Avro-2020”nin final mərhələsinə düşmək şansı hələ də qalır. Bunun üçün qarşıdakı görüşdə onlara mütləq qələbə lazımdır.
Bəli, slovaklar final mərhələlərinə bəlkə də düşəcəklər də. Biz isə son 24 ildə olduğu kimi, belə böyük yarışları yenə kənardan izləməli olacaq və başqa komandalara azarkeşlik etmək məcburiyyətində qalacağıq.
Milli komandamızın beynəlxalq turnirlərdə yığdığı xallar:
AÇ-96 – 1 xal
DÇ-1998 – 3 xal
AÇ-2000 – 4 xal
DÇ-2002 - 5 xal
AÇ-2004 – 4 xal
DÇ-2006 – 3 xal
AÇ-2008 – 5 xal
DÇ-2010 – 5 xal
AÇ-2012 – 7 xal
DÇ-2014 – 7 xal
AÇ-2016 – 6 xal
DÇ-2018 – 10 xal
AÇ-2020 – ?
Mesajlar yaxşıdır! Amma…
Mövsümdə ilk
"Qarabağ"ın 1600-cü qolu
"Qəbələ"nin 4 qollu qələbəsindən - Video
"Cavidin əvəzinə danışa bilmərəm" - Elvin Məmmədov
"Narahat olmayın, heç kimdən küsməmişəm" - Qurban Qurbanov
Bayılda vurulan 5 qol - Video
"Qarabağ" böyük hesabla "Səbail"ə qalib gəldi
Güləşçimiz ermənistanlı rəqibini məğlub edərək finala çıxdı
"Qəbələ"dən darmadağın, Yevlaxda heç-heçə
AFFA-nın Hesabat Konfransı keçirilib - Yenilənib
Flik "Barselona" ilə yeni müqaviləsi haqda danışdı
“Səbail” - “Qarabağ” oyununun heyətləri
AFFA klub prezidenti ilə bağlı şikayəti təmin etmədi
Akif Quluzadənin növbəti döyüşü
ÇL-də həftənin ən yaxşı oyunçusu seçildi
Baş məşqçi vəzifəsinə əsas namizəd Fabreqasdır
FİFA Türkiyə klublarına transfer qadağası qoydu
AFFA-dan 2-ci liqa klublarına cəza və cərimələr
Salah: "İnanmasaydım, müqavilə imzalamazdım"
“Nə Əliyar Ağayevi görmüşəm, nə də başqalarını…”
Qurban Qurbanov AFFA-dan inciyib? - Rövşən Nəcəfdən açıqlama
