14:44
"Qəbələ"nin müdafiəçisi Rasim Ramaldanov Qol.az-a müsahibə verib. Tale Heydərovun istefasına münasibət bildirən futbolçu 3-yer uğrunda mübarizədə komandasının şanslarını dəyərləndirib.
- Son turda "Keşlə" üzərində vacib qələbə qazandınız. Əvvəlcə həmin qarşılaşma ilə bağlı fikirlərini bilmək maraqlı olardı...
- Ağır oyun olacağını bilirdik. Hamımız tam olaraq matça köklənmişdik. Bizə 3 xal çox lazım idi. Şükürlər olsun ki, bunun öhdəsindən gələ bildik.
- Matçdan bir neçə gün öncə klubun prezidenti Tale Heydərovun istefa verdiyi açıqlandı. Bu qərar komandaya nə cür təsir etdi və həmin psixoloji durumdan necə çıxdınız?
- Biz meydana Tale müəllimə görə çıxmışdıq. Bütün uşaqlar bunu çox gözəl dərk edirdi. Ona görə də hamı ancaq qələbə qazanmaq barədə düşünürdü.
- Tale Heydərovun istefası barədə nə deyə bilərsən? Səncə, onun gedişi komandaya necə təsir göstərəcək?
- Mən bu barədə heç nə deyə bilmərəm. Bizim işimiz meydançaya çıxıb, futbol oynamaqdır.
- "Keşlə" ilə oyunda komanda yoldaşın Stiven Monrozun etdiyi hərəkət çox müzakirə olundu. Məlum hadisə bağlı sənin fikirlərin necədir?
- Açığı, mən oyundan sonra bundan xəbər tutdum. Saytlardan oxudum ki, belə bir şey baş verib. Düzdür, yaxşı hal deyil. Amma məncə, Monrozun niyyəti o deyildi. Artıq onunla danışıblar və lazım olan tədbir görülüb.
- Son tur sizin üçün uğurlu alındı. Özünüz qələbə qazanmaqla yanaşı, 3-cü yer uğrunda əsas rəqibiniz "Səbail" "Neftçi" ilə oyunda vacib 2 xal itirdi...
- İndi bizi yalnız öz oyunlarımız maraqlandırır. Çalışırıq ki, heç kimə fikir verməyək. Öz oyunumuzu oynayaq və qələbə qazanaq.
- Son vaxtlar səni əsas heyətdə görürük. Deyəsən, artıq Stankoviçi start 11-liyindən sıxışdırıb çıxarmısan.
- Bunu biz yox, məşqçi müəyyənləşdirir. Kim hansı oyuna hazırdırsa, o da oynayır. Mənim üçün fərqi yoxdur, əsas komanda qələbə qazansın.
- Növbəti turda "Zirə" ilə qarşılaşacaqsınız. Həmin oyun barədə nə düşünürsən?
- Fikrimcə, "Zirə" çempionatda ən yaxşı komandalardan biridir. Onların oynadığı futbol xoşuma gəlir. Bizim üçün çətin olacağını bilirəm. Amma görüş öz meydanımızda olacaq. Qələbə qazanmağa çalışacağıq.
- "Zirə" ilə oyundan sonra ölkə kubokunun yarımfinal mərhələsində "Qarabağ"la üz-üzə gələcəksiniz. Bu mövsüm çempionatda keçirdiyiniz bütün matçlarda rəqibə uduzmusunuz. Necə düşünürsən, bu dəfə tilsimi qırmaq mümkün olacaqmı?
- Hə, kubokda "Qarabağ"la vacib oyunumuz var. Açığı, uduzmaq bizə də xoş deyil. Amma bacardığımızı edirik. İnanıram ki, kubokda tilsimi qıracağıq.
- "Qəbələ" ilə müqavilən mövsümün sonunda başa çatacaq. Komandada qalmaq istəyirsən, yoxsa?..
- Əlbəttə ki, istəyirəm. "Qəbələ" mənim üçün doğma klubdur. Burada qalıb oynamaq istərdim. Görək, necə olacaq.
Elnur SALAHOV
_22.01.19.jpg)
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı
İndi ən vacib xəbərlər telefonunuza gələcək!
Finalda təkrarlanan 6-cı cüt
“Qarabağ” “Neftçi”yə çatdı
Azərbaycan kubokunda yeni rekord
"Barselona" Xavi ilə bağlı qərarı açıqladı
