20:50
“İlqar Nəbiyevin transfer vərəqi ilə bağlı bizə heç bir müraciət daxil olmayıb. AFFA-nın Türkiyənin “Kayserispor” klubundan 40 min avro tələb etməsi haqda yazılanlar cəfəngiyatdır”. Bu sözləri “APA-Sport”a açıqlamasında AFFA-nın İnformasiya və İctimaiyyətlə Əlaqələr Departamentinin rəisi Mikayıl Quliyev deyib.
Ölkə mətbuatında azərbaycanlı futbolçu, “Karvan”ın sabiq yarımmüdafiəçisi İlqar Nəbiyevin “Kayserispor”un heyətində ehtiyatda oturmasına AFFA rəhbərliyinin səbəb olduğu göstərilib. Bu iddianın əsassız olduğunu söyləyən Mikayıl Quliyev fikrini belə əsaslandırıb: “Bizim “Kayserispor”a transfer vərəqi verməməyimiz və ya təzminat istəməyimizlə bağlı səslənən fikirlər həqiqətəuyğun deyil. Prosedur qaydalara görə, “Kayserispor” İlqar Nəbiyevin transfer vərəqi üçün Türkiyə Futbol Federasiyasına, bu qurum isə AFFA-ya, daha sonra biz oyunçunun transfer hüquqlarına malik kluba müraciət etməliyik. Yəni, bu məsələ 4 tərəfli həll olunmalıdır. Ancaq sənədləri bir daha araşdırmışıq və tam əminliklə söyləyə bilərəm ki, Türkiyə Futbol Federasiyası İlqar Nəbiyevlə bağlı bizə məktub göndərməyib”.
Departament rəisi vurğulayıb ki, AFFA rəhbərliyi həmişə futbolçularımızın xarici klublarda oynamalarına çalışır: “Assosiasiya rəhbərliyi futbolçuların xarici klublarla anlaşmasını daima dəstəkləyib. AFFA Almaniyanın “Ayntraxt” klubuna 2 oyunçu göndərib. Bundan başqa, qurumun xətti ilə Madrid “Real”ına 4 futbolçu yollanacaq. Biz gənc oyunçuların ölkə hüdudlarından kənarda çıxış etməsində maraqlıyıq. Həmçinin, Nəbiyevin Türkiyə Superliqasında oynamasını, peşəkar futbolçu kimi püxtələşməsini istəyirik. Bunun üçün lazım olan bütün köməkliyi göstərməyə hazırıq”.
"Arsenal"dan "Marsel"ə
Kloppdan "Real"a şərt
Qvardiola etiraf etdi
Rafinyadan həyat yoldaşına 60 min avroluq hədiyyə - Şəkil
"Beşiktaş"ın futbolçusu sabiq klubuna qayıtdı
"Atletiko"nun futbolçusu "Qalatasaray"a keçə bilər
"Yuventus" növbəti türkiyəli futbolçunu transfer etdi
"Mançester Yunayted" Kazemiro ilə yollarını ayırır
Millimiz Danimarkaya uduzdu
Dünyanın ən varlı klubları açıqlandı
