10:46
“Əl-Nəsr”in baş məşqçisi Anje Postekoqlu Kriştiano Ronaldonun Səudiyyə Ərəbistanı çempionatının 3-cü turunda “Əl-İttifaq”a qarşı keçirilən matçın (3:2) fasiləsində əvəzlənməsi ilə bağlı danışıb.
QOL.az xəbər verir ki, komanda ilk hissəni qapıçı Bentonun qırmızı vərəqə alması səbəbindən azlıqda və 0:2 hesabı ilə geridə başa vurub. Postekoqlu fasilədə bir neçə dəyişiklik edib. Portuqaliyalı ulduz Kriştiano Ronaldo da əvəzlənən futbolçular arasında olub. Onun yerinə Abdullah əl-Xeybari meydana çıxıb. “Əl-Nəsr” ikinci hissədə geridönüş edərək 3:2 hesablı qələbə qazanıb.
“Goal” nəşrinin məlumatına görə, avstraliyalı mütəxəssis fasilədə belə hesabı dəyişəcəklərinə inandığını bildirib:
“İlk hissədən sonra futbolçulara təslim olmamağı və daha çox cinahlardakı boşluqlardan yararlanmağa çalışmağı dedim. Rəqibin vurduğu iki qol bizi geri dönüşün mümkün olmadığı vəziyyətə salmamışdı. Taktiki dəyişikliklərimiz də öz nəticəsini verdi”.
Postekoqlu Ronaldo ilə bağlı qərarını da əsaslandırıb:
“Etdiyimiz dəyişikliklərə, o cümlədən Ronaldonun əvəzlənməsinə tam əmin idim. Meydana daxil olan futbolçuların komandaya lazım olan töhfəni verə biləcəklərinə inanırdım. Onlar da bunu meydanda sübut etdilər”.
“Qarabağ” “Sabah”ı təbrik etdi
Püşkatma nə vaxtdır? - “Sabah” üçün 8 rəqib
“Sabah” tarixi qələbə ilə ÇL-in Liqa mərhələsində!
Matç başlayar-başlamaz qapıçı meydandan qovuldu
"Beşiktaş"a keçə bilər
“Yamalın hələ bütün potensialını görməmişik”
İki təklif rədd edildi, üçüncüsü hazırlanır
Ağır zədə aldı, 28 yaşında futbolla vidalaşdı
UEFA ilə FİFA arasında hakimlik gərginliyi
