01:30
“Sabah”ın almaniyalı yarımmüdafiəçisi Coy Lens Mikels bu mövsüm də ötən il olduğu kimi parlaq oyunu ilə azarkeşlərin rəğbətini qazanıb. Azərbaycan Premyer Liqasında 7 tura 5 qol və 2 məhsuldar ötürmə ilə yadda qalan oyunçu Qol.az-a müsahibə verib.
- İkinci mövsümdür Azərbaycan Premyer Liqasında çıxış edirsiniz. Bununla bağlı təəssüratınız necədir?
- Bəli, bu, mənim Azərbaycanda artıq ikinci mövsümümdür. Özümü burda çox rahat hiss edirəm.
- Premyer Liqada 7 tura 5 qol və 2 məhsuldar ötürmə ilə yadda qalmısınız. Bu liqada qol vurmaq asandır?
- Bu o qədər də asan deyil. Ağır zəhmət və fədəkarlıq tələb edir. Nə qədər çox məşq etsən, o qədər asan qələbə qazanacaqsan.
- Qol sevincinizi Kriştiano Ronaldo kimi qeyd edirsiniz. Onun oyunu sizi motivasiya edirmi?
- Əlbəttə, Kriştianonun oyununu çox bəyənirəm. Onun fiziki hazırlığı və qapı qarşısında soyuqqanlılığı unikaldır. Lakin mənim sevimli futbolçum həmişə braziliyalı Ronaldo olub.
- Niderland və Almaniyada oynamısınız. Onlarla bizim Premyer Liqa və futbol üslubu arasında nə kimi fərqlərini deyə bilərsiniz?
- Bu çətin sualdır. Bütün liqaların hamısının oxşar cəhəti odur ki, hər oyunda qələbə üçün çalışmalısan. Lakin hər liqa müxtəlifdir və özünəməxsus xüsusiyyətləri olur.
- "Sabah” mövsümə çox dinamik başladı. Performansınızı sabit saxlaya biləcəksiniz?
- Fikrimcə, çempionata yaxşı start verdik. Ümid edirəm ki, birinci dövrənin sonuna kimi qalan daha 2 oyundan da qələbə ilə ayrıla biləcəyik.
- İndi Azərbaycan Premyer Liqasında bombardirlər cədvəlində rəqabət var. Bu mövsümün bombardiri olmaq kimi bir məqsədin var?
- Məncə, hər şeydən əsas komandanın qələbəsidir. Bu baxımdan bombardir olmaq barədə yox, komandamın qələbəsi barədə düşünürəm. Qol vurmaq həmişə xoşdur. Ancaq insanlar bununla bağlı müzakirə edəndə nəzərə almalıdılar ki, mən “9 nömrə” yox, yarımmüdafiəçiyəm.
- "Sabah”la müqaviləniz 2023-cü ilə qədərdir. Avropaya qayıtmaq və ya karyeranızı Azərbaycanın bu və ya digər klublarında davam etdirmək istərdinizmi?
- Azərbaycanı sevirəm və hazırda “Sabah”da çıxış edirəm. Yalnız komandamın qarşıdakı oyunları barədə düşünürəm. Gələcəkdə nə olacağını birlikdə görəcəyik.
Azad Nuriyev
“Barselona” “Feyenoord”u darmadağın etdi
Ramil Şeydayevin komandası məğlub oldu
“Fənərbaxça”dan Rusiya klubuna getdi
"Məğlubiyyət tamamilə mənim günahımdır"
Haaland ən yaxşı bombardirlərdən oldu
“Barselona” onu göndərməyə hazırlaşır
"Şahdağ Qusar" "Karvan-Yevlax"a qalib gəldi
Azərbaycan millisi Moldovaya məğlub oldu
Azərbaycan Kubokunda püşkatma mərasimi keçiriləcək
Kvaratsxeliyadan "Qızıl top" şərhi
“Sabah” özünə inamlıdır, yaxşı pressinq edir” - Maykl Karrik
"Sabah" "Mançester Yunayted"lə oyuna ciddi itki ilə çıxacaq
Azərbaycan millisi Gürcüstana yenə uduzdu
Kurtua Millətlər Liqasında oynamayacaq - Açıqlama
"Mançester Siti"dən ərəb klubuna keçdi
"Kəpəz"in kapitanı məşqdə zədələndi
Flik: “Çempionlar Liqasını qazanmağa qadirik”
Haaland Çempionlar Liqasında daha bir əfsanəni geridə qoydu
Lamin Yamal: “19 yaşında kapitan olmaq şərəfdir"
“Qarabağ”la vidalaşdı - Paylaşımı Azərbaycan dilində etdi
Messidən unikal rekord
ÇL-in oyunları bu kanallarda
İtaliya millisinin sabiq hücumçusu B Seriyasında
Okan Buruk "Sportinq"lə bugünkü oyun haqda
Arteta: "Hazırıq və qətiyyətliyik”
"Sabah" hücumçu aldı
Kivudan məğlubiyyət şərhi
Mourinyo: “Hesab 5:0 da ola bilərdi”
