22:12
«Azərbaycan Premyer-liqasının oyunlarına əcnəbi hakimlərin təyinat alması məsələsi gündəmdə deyil, bu cür halların olacağı gözlənilmir». Bu sözləri Qol.Az-ə verdiyi açıqlamada AFFA-nın Hakimlər Komitəsinin sədri Xaqani Məmmədov son zamanlar bəzi klub rəhbərlərinin çempionatın oyunlarına əcnəbi hakimlərin təyin edilməsi təklifinə münasibət bildirərkən söyləyib. Bu məsələnin artıq Peşəkar Futbol Liqası ilə də razılaşdırıldığını deyən X.Məmmədov Premyer-liqanın oyunlarını idarə etmək üçün əcnəbi hakimə ehtiyac olmadığını vurğulayıb: «Bizim öz hakimlərimiz əcnəbilərdən geri qalmır. Birdə ki, bu məsələni klublar yox, AFFA müəyyənləşdirir».
X.Məmmədov bildirib ki, «son vaxtlar bəzi dırnaqarası mütəxəssislər yerli hakimlərə qarşı hucüm edərək ictimai rəydə yanlış fikir yaratmağa çalışırlar. Bu cür adamlar bizim etdiyimiz müsbət dəyişiklərə paxıllıqla yanaşırlar. Bir daha bəyan edirəm ki, Azərbaycanda hakimliklə bağlı ciddi problem yoxdur. Bəzi telekanallarda bu məsələni süni şəkildə şişirdirlər».
Zubirdən vida mesajı
Qol vurandan sonra huşunu itirdi
"Araz-Naxçıvan" - "İmişli" matçından - Video
Nuriyev qol vurdu, komandası uduzdu
"Bizi çox çətin oyunlar gözləyir" - Cavid Hüseynov
Transfer təklifini rədd etdi, kapitanlıqdan məhrum oldu
“Sumqayıt” portuqaliyalı futbolçu transfer etdi
Şeydayevin komandasının matçı təxirə salındı
